قر سىرتقى ٸستەر مينيسترلٸگٸ شري-لانكاداعى لاڭكەستٸك اكتٸلەرگە قاتىستى مەلٸمدەمە جاسادى. الدىن الا مەلٸمەت بويىنشا, شري-لانكاداعى جارىلىستان قازا تاپقان جەنە جارالانعان ازاماتتار اراسىندا قازاقستاندىقتار جوق.
«قازاقستان 2019 جىلى 21 سەۋٸردە شري-لانكا استاناسى كولومبودا, سونداي-اق نەگومبو جەنە باتتيكالوا قالالارىندا بەيبٸت ادامداردىڭ ٶمٸرٸن قيعان تەرروريستٸك اكتٸلەردٸ قاتاڭ تٷردە ايىپتايدى», - دەپ جازىلعان قر سٸم مەلٸمدەمەسٸندە.
سونىمەن قاتار وندا قازاقستان تەرروريزمنٸڭ بارلىق تٷرٸن ايىپتايتىنى جەنە ەلەمدٸك قوعامداستىقتىڭ وسى زۇلىمدىققا قارسى كٷرەسٸندە ۇجىمدىق ەرٸ باتىل ٸس-قيمىلداردى قابىلداۋىن قولدايتىنى اتاپ ٶتٸلگەن.
«وسى ادامگەرشٸلٸككە جات اكتسييالاردى ۇيىمداستىرۋشىلار انىقتالىپ, تيٸستٸ جازاسىن الۋى كەرەك دەپ سانايمىز. لاڭكەستٸك سالدارىنان قازا بولعانداردىڭ جاقىندارىنا, شري-لانكا حالقى مەن ٷكٸمەتٸنە قايعىرىپ كٶڭٸل ايتامىز», - دەلٸنگەن مينيسترلٸك حابارلاماسىندا.
بۇدان بۇرىن حابارلانعانداي, قازاقستان پرەزيدەنتٸ قاسىم-جومارت توقاەۆ شري-لانكاداعى جارىلىس كەزٸندە قازا تاپقانداردىڭ جاقىندارىنا كٶڭٸل ايتتى.
سوڭعى مەلٸمەتتەر بويىنشا شري-لانكادا سەگٸز جارىلىس بولدى. شەتەلدٸك باق-تىڭ مەلٸمەتتٸنشە, قازا بولعانداردىڭ سانى 180-نەن استى, تاعى 500 ادام زارداپ شەكتٸ.
كٶز جۇمعانداردىڭ اراسىندا شەتەل ازاماتتارى دا بار.
