قازاقستان ديپلوماتتارى شەتەلدە بەس جىلدان ارتىق جۇمىس ٸستەمەيدٸ. بۇل تۋرالى سەناتتىڭ حالىقارالىق قاتىناستار, قورعانىس جەنە قاۋٸپسٸزدٸك كوميتەتٸنٸڭ كەڭەيتٸلگەن وتىرىسىندا مەلٸم بولدى, دەپ حابارلايدى قازاقپارات.
«ەلشٸلەردٸڭ شەتەلدە بولۋ مەرزٸمٸن 5 جىلدان ارتتىرماۋ مەسەلەسٸ ٶزەكتٸ بولىپ وتىر, سەبەبٸ قازٸرگٸ كەزدە 20 جىلدان استام ۋاقىت بويى ەلگە ورالماعان ەلشٸلەر, ديپلوماتتار بار. ولار ەلدەن قارىم-قاتىناسىن ٷزگەن دەپ ايتۋعا بولمايدى, دەگەنمەن دە سونى ناشارلاتقان, ەلدەگٸ جاعدايدى تەرەڭ تٷسٸنبەيدٸ. ولاردى بەس جىل كٶلەمٸندە ەلگە قايتارىپ, ەرتٷرلٸ دەڭگەيدە جۇمىس بەرٸپ, سودان كەيٸن قايتادان ديپلوماتييالىق سالاداعى قىزمەتكە باعىتتاۋ تۋرالى ۇسىنىستار بولىپ جاتىر. سوندىقتان بۇل زاڭ جوباسى جالپى ديپلوماتييالىق جۇمىستىڭ دەرەجەسٸن, ونىڭ تيٸمدٸلٸگٸن ارتتىرۋعا ٷلكەن ەسەرٸن بەرەدٸ دەگەن ويدامىز», - دەدٸ يكرام ادىربەكوۆ «قازاقستان رەسپۋبليكاسىنىڭ ديپلوماتييالىق قىزمەتٸ تۋرالى» قازاقستان رەسپۋبليكاسىنىڭ زاڭىنا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن تالقىلاۋ بارىسىندا.
ٶز كەزەگٸندە قر سىرتقى ٸستەر مينيسترلٸگٸنٸڭ جاۋاپتى حاتشى اناربەك قاراشەۆ ديپلوماتتار ەلگە تيٸستٸ مەرزٸمدە ەلگە قايتىپ ورالعانى دۇرىس ەكەنٸن اتاپ ٶتتٸ.
«بالالار قازاق ەكەنٸن بٸلمەي كەتەدٸ. مەن 12 جىل بولعان جوقپىن. بالالارىمدا تۋعان ەلٸ تۋرالى دۇرىس تانىمى بولمادى. ەلگە كەلٸپ, ٷش جىلدان كەيٸن بالالار قازاق ەكەندەرٸن سەزٸپ وتىر, ياعني وسىندا مەكتەپكە بارىپ, قازاقشا سٶيلەپ, قاي مەملەكەتتٸڭ بالاسى ەكەنٸن تٷسٸنە باستادى. سوندىقتان ديپلوماتتار ٷزدٸكسٸز شەتەلدە قىزمەت ەتە بەرسە, ولاردىڭ بالالارى قازاقستان جايىندا تەك باق ارقىلى عانا بٸلٸپ جٷرەدٸ»,-دەپ اتاپ ٶتتٸ ا. قاراشەۆ.
