قازاقستاننىڭ سىرتقى ٸستەر مينيسترلٸگٸ "ۆەچەر س ۆلاديميروم سولوۆەۆىم" باعدارلاماسىنىڭ 2 شٸلدەدەگٸ شىعارىلىمىندا ايتىلعان سٶزدەرگە تٷسٸنٸك بەردٸ, - دەپ حابارلايدى Tengrinews.kz تٸلشٸسٸ. توك-شوۋدا جٷرگٸزۋشٸ مەن قاتىسۋشىلار "كاسپييدە اقش ەسكەري بازالارى ورنالاستىرىلعان" دەگەن قاۋەسەتتٸ ايتىپ, بۇعان تەرٸس پٸكٸر بٸلدٸرگەن.
"مۇنداي پٸكٸرلەرگە رەسەيلٸك باق ٶكٸلدەرٸ مەن ساراپشىلاردىڭ ناقتى مەلٸمەتٸ جوق بولعاندىعى سەبەپ سەكٸلدٸ. ال ناقتى دەرەك مىناداي - مۇندا مەسەلە قازاقستان اۋماعىنان ٶتەتٸن امەريكالىق ۇشپايتىن كوممەرتسييالىق تەمٸرجول ترانزيتٸندە بولىپ وتىر. بۇل ترانزيت اۋعانستان ٷكٸمەتٸنە قولداۋ كٶرسەتۋگە ارنالعان حالىقارالىق وپەراتسييالار ٷشٸن قاجەت", - دەپ پٸكٸر بٸلدٸردٸ سٸم ٶكٸلدەرٸ.
ۆەدومستۆو ٶكٸلدەرٸنٸڭ ايتۋىنشا, تاسىمال جابىق كونتەينەرلەرمەن توقتاۋسىز قازاقستاندىق ۇلتتىق كومپانييانىڭ ەردايىمعى باقىلاۋىمەن جٷرگٸزٸلۋٸ تيٸس.
"كاسپييدە ەشقانداي دا ەسكەري بازا جوق. قايتالاپ ايتامىز, ترانزيت ەسكەري ەمەس جٷكتەر ٷشٸن عانا قولدانىلادى. ترانزيت ٷشٸن قازاقستان تەرريتوريياسى عانا ەمەس, اقش-تان اۋعانستانعا دەيٸنگٸ ارالىقتى جالعايتىن باسقا دا ەلدەردٸڭ اۋماعى قولدانىلادى", - دەدٸ ۆەدومستۆوداعىلار.
قر سٸم مەلٸمەتٸنشە, مۇنداي ترانزيت رەسەيلٸك تاراپتىڭ دا اۋماعىنان ٶتكەن.
"2010-2015 جىلدار ارالىعىندا دەل وسى جٷك ترانزيتٸ رەسەي, قازاقستان, ٶزبەكستان اۋماعى ارقىلى سولتٷستٸك ٷلەستٸرۋ جٷيەسٸ شارتتارىنا سەيكەس جٷرگٸزٸلگەن. قازاقستان تەرريتوريياسىنان ٶتەتٸن امەريكالىق وسى كوممەرتسييالىق تەمٸرجول ترانزيتٸ 2010 جىلى بەكٸتٸلگەن. ترانزيت رەسەيلٸك-امەريكالىق كەلٸسٸمدەگٸ شارتتارمەن بٸردەي. 2017 جىلدىڭ قىركٷيەگٸندە وسى اتالعان كەلٸسٸمنٸڭ حاتتاماسىنا قول قويا وتىرىپ, بٸز اقتاۋ مەن قۇرىق پورتتارىنداعى ٶتكٸزۋ پۋنكتتەرٸنٸڭ تٸزٸمٸن عانا قوستىق. حاتتاما مازمۇنى رف مەن اقش اراسىندا قاراستىرىلعان شارتپەن بٸردەي. مۇندا مەسەلە امەريكالىق ەسكەري بازالاردى نەمەسە قانداي دا بٸر باسقا مەملەكەتتٸك ەسكەري بازالاردى كاسپييدە ورنالاستىرۋ جايىندا ەمەس", - دەدٸ سىرتقى ساياسي ۆەدومستۆوداعىلار.
باسپاسٶز قىزمەتٸندەگٸلەر قۇجاتتى بەكٸتۋ الدىندا قازاقستاننىڭ ٶز سەرٸكتەستەرٸمەن, بٸرٸنشٸ كەزەكتە رەسەيلٸك سٸم-دەگٸ ەرٸپتەستەرٸمەن كونسۋلتاتسييا ٶتكٸزگەنٸن ايتىپ وتىر.
"قازاقستان ۇجىمدىق قاۋٸپسٸزدٸك تۋرالى شارت ۇيىمى اياسىنداعى ٶز مٸندەتتەمەلەرٸنە تۇراقتى جەنە تولىقتاي جاۋاپكەرشٸلٸكپەن قارايدى. بۇل باتىس ەلدەرٸنە دە, ونىڭ ٸشٸندە اقش-قا دا مەلٸم", - دەدٸ ۆەدومستۆوداعىلار.
سٶز سوڭىندا مينيسترلٸكتەگٸلەر "مەسكەۋ مەن ۆاشينگتون اراسىندا كونسترۋكتيۆ ديالوگ پەن سەنٸمنٸڭ قالپىنا كەلۋٸنە مٷددەلٸ" ەكەنٸن مەلٸمدەدٸ.
