قر سىرتقى ٸستەر مينيسترلٸگٸ وتاندىق كوستيۋمدەردٸ تٸگەتٸن كەسٸپورىنداردىڭ تٸزٸمٸن جاساۋعا كٸرٸستٸ, دەپ حابارلايدى "ۇلت اقپارات".
مينيسترلٸكتٸڭ رەسمي ٶكٸلٸ ايبەك سماديياروۆتىڭ ايتۋىنشا, اتالعان تٸزٸم بويىنشا وتاندىق كيٸم-كەشەكتٸ ساتىپ الۋعا مٸندەت قويىلمايدى. اتالعان قۇجاتتىڭ ۇسىنىمدىق سيپاتى بولادى.
«قازٸرگٸ كەزدە وتاندىق كوستيۋمدەردٸ تٸگەتٸن جەنە ساتاتىن كەسٸپورىندارىڭ تٸزٸمٸن جاساپ جاتىرمىز. سونى بارلىق ديپلوماتتارعا تاراتامىز. ولار ٶز قالاۋلارى بويىنشا سول جەرگە بارىپ, كيٸنەتٸن بولادى. نەگٸزٸ, وتاندىق كوستيۋمدەردٸڭ ساپاسى شەتەلدٸك ٶنٸمدەردەن ەش كەم ەمەس. مەسەلەن, مەن ٶزٸمە جاقسى بٸر كوستيۋمدٸ تاڭداپ الدىم. ەيتپەسە, شەتەلدەن كەلەتٸن ٶنٸمدەدٸڭ باعاسى تىم قىمبات. ەندٸ, تاسىمالداۋ شىعىندارى بار, سالىقتار, دٷكەننٸڭ جالعا الىپ وتىرعان جەرٸ جەنە تاعىسىن تاعى. ال ٶزٸمٸزدە تٸگٸلگەن كوستيۋمدەر ەلدەقايدا ارزانعا شىعادى», - دەدٸ ا.سماديياروۆ جۋرناليستەرگە بەرگەن سۇحباتىندا.
ونىڭ ايتۋىنشا, وتاندىق كوستيۋمدەردٸڭ باعاسى 20-140 مىڭ تەڭگەنٸڭ اينالاسىندا. «مىسالى, مەن كەشە ٶزٸم «التىن ادام» كومپانيياسىنا باردىم. كوستيۋم ساتىپ الدىم. قازٸر ولاردا ماۋسىمدىق جەڭٸلدٸك بولىپ جاتىر. سوعان بايلانىستى كوستيۋم باعاسى جەڭٸلدٸكپەن 85 مىڭ تەڭگەگە شىقتى. ول جەردە باعالار 20 مىڭ تەڭگەدەن باستالىپ, 120-140 مىڭ تەڭگەگە دەيٸن جەتۋٸ مٷمكٸن. ساپاسى ٶتە جاقسى. شەتەلدەن كەلگەن تاۋاردىڭ جولى تاعى باسقا شىعىندارى بار. بٸزگە كەلگەنشە قىمباتتايدى. كەلەسٸ جولى سول كوستيۋمدٸ مٸندەتتٸ تٷردە كيٸپ كەلەمٸن. قازٸردٸڭ ٶزٸندە كيٸپ تۇرعان گالستۋگىم - وتاندىق ٶنٸم. بۇدان بٶلەك, ٶزٸمٸزدە جاقسى اياق كيٸمدەر دە تٸگٸلەدٸ. الماتىدا, شىمكەنتتە بٸراز جٸگٸتتەر وسى كەسٸپپەن اينالىسادى ەكەن. ٶزدەرٸ جاسايدى, ٶزدەرٸ ساتادى», - دەپ اتاپ كٶرسەتتٸ ا.سماديياروۆ.
ەسكە سالايىق, ەلباسى نۇرسۇلتان نازارباەۆ وتاندىق كەسٸپورىندارعا قولداۋ كٶرسەتۋ قاجەتتٸگٸ تۋرالى بٸرنەشە رەت ايتقان بولاتىن. بۇل مەسەلەنٸ 2018 جىلدىڭ قازانىندا كەزەكتٸ جولداۋىن جارييالاۋ كەزٸندە دە كٶتەردٸ.
