قازاقستان رەسپۋبليكاسىنىڭ سىرتقى ٸستەر مينيسترلٸگٸ يەرۋساليم قالاسىنىڭ مەرتەبەسٸنە قاتىستى مەلٸمدەمە جاسادى, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
«قازاقستان يەرۋساليم قالاسىنىڭ مەرتەبەسٸنە قاتىستى جاعدايدىڭ شيەلەنٸسۋٸنە وراي ٶز الاڭداۋشىلىعىن بٸلدٸرەدٸ جەنە بارلىق مٷددەلٸ تاراپتاردى ۇستامدىلىققا شاقىرادى», دەلٸنگەن حابارلامادا.
قر سٸم بۇۇ قارارلارى نەگٸزٸندە پالەستيندٸك-يزرايلدٸك رەتتەۋگە قولداۋىن راستايدى.
«يەرۋساليمنٸڭ قازٸرگٸ مەرتەبەسٸنٸڭ ساقتالۋىن جاقتاي وتىرىپ, قازاقستان حالىقارالىق قۇقىق پەن بٸرٸككەن ۇلتتار ۇيىمى باس اسسامبلەياسى جەنە قاۋٸپسٸزدٸك كەڭەسٸنٸڭ 181 (1947), 242 (1967), 338 (1973), 2334 (2016) قارارلارى, سونداي-اق 2002 جىلعى اراب بەيبٸت باستاماسى نەگٸزٸندە پالەستيندٸك-يزرايلدٸك رەتتەۋگە قولداۋىن راستايدى», دەپ اتاپ ٶتكەن قر سٸم.
پالەستيندٸك-يزرايلدٸك قاقتىعىستىڭ شەشٸمٸ 1967 جىلعى شەكارالاردا استاناسى شىعىس يەرۋساليم بولىپ تابىلاتىن پالەستينا مەملەكەتٸنٸڭ قۇرىلۋىن كٶزدەيتٸن «ەكٸ حالىققا ەكٸ مەملەكەت» قاعيداسىنا سەيكەس ٸسكە اسۋى تيٸس, دەپ سانايدى قازاقستاننىڭ سىرتقى ساياسات ۆەدومستۆوسى.
قازاقستان بۇۇ قاۋٸپسٸزدٸك كەڭەسٸنٸڭ تۇراقتى ەمەس مٷشەسٸ رەتٸندە تاياۋ شىعىستا بەيبٸتشٸلٸكتٸ ورناتۋدىڭ اجىراماس شارتى بولىپ تابىلاتىن ٶڭٸردەگٸ تۇراقتىلىقتى قالپىنا كەلتٸرۋ پروتسەسٸنە تولىق قولداۋىن كٶرسەتۋدٸ جالعاستىرادى.
ەستەرٸڭٸزگە سالا كەتەيٸك, وسىعان دەيٸن اقش پرەزيدەنتٸ دونالد ترامپ يەرۋساليمدٸ يزرايل استاناسى دەپ تانىعانىن جارييا ەتكەن. يزرايل بولسا قالانىڭ شىعىس اۋداندارىن, جارتى عاسىر بۇرىن يوردانييادان تارتىپ الىنعان جەنە كەيٸنٸرەك اننەكسييالاعان تاريحي ورتالىعىن قوسا العاندا "بٸرتۇتاس ەرٸ بٶلٸنبەيتٸن" استانا دەپ جارييالادى. الايدا ەلەمدٸك مەملەكەتتەر انەكسييانى قولداماي, وسى مەسەلەنٸڭ تاياۋ شىعىستاعى جانجالدىڭ ۋشىعۋىنا ەسەر بەرەتٸنٸن ايتىپ, يەرۋساليمنٸڭ شىعىس بٶلٸگٸنە ٷمٸتكەر پالەستينالىقتارمەن بەيبٸت كەلٸسٸمگە كەلۋگە شاقىرادى. ال بارلىق شەتەلدٸك ەلشٸلٸك تەل-اۆيۆتە ورنالاسقان.
