قاسىم-جومارت توقاەۆتىڭ ميۋنحەندەگٸ جۇمىس ساپارىنىڭ ەكٸنشٸ كٷنٸ كۋۆەيتتٸڭ پرەمەر-مينيسترٸ شەيح ساباح حاليد ەل-حاماد اس-ساباحپەن كەزدەسۋدەن باستالدى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
مەملەكەت باسشىسى ەكٸ ەلدٸڭ مەملەكەتارالىق بايلانىستارىنىڭ دوستىق سيپاتىن جەنە ونىڭ قارقىندى دامىپ كەلە جاتقانىن اتاپ ٶتٸپ, ەكٸجاقتى جەنە كٶپجاقتى فورماتتاعى ٶزارا ىنتىماقتاستىقتى نىعايتۋ ٷشٸن ەلەۋەتتٸڭ جەتكٸلٸكتٸ ەكەنٸنە نازار اۋداردى.
– بٸز يسلام ىنتىماقتاستىعى ۇيىمى اياسىندا سەنٸمدٸ سەرٸكتەسپٸز. قازاقستاننىڭ استاناسى نۇر-سۇلتان قالاسىندا يسلام ۇيىمىنىڭ ازىق-تٷلٸك قاۋٸپسٸزدٸگٸ جٶنٸندەگٸ شتاب-پەتەرٸ اشىلدى. بۇل دا بٸزدٸڭ ٶزارا ىقپالداستىعىمىزعا تىڭ سەرپٸن بەرەدٸ, – دەدٸ مەملەكەت باسشىسى.
قاسىم-جومارت توقاەۆ 2019 جىلعى قاڭتاردا «جۋسان» گۋمانيتارلىق وپەراتسيياسىن جٷزەگە اسىرۋ كەزٸندە ەسكەري-ەۋە بازاسىن پايدالانۋ مەسەلەسٸن شەشۋگە كٶمەكتەسكەنٸ ٷشٸن كۋۆەيت ٷكٸمەتٸنە ريزاشىلىق بٸلدٸردٸ.
سونىمەن قاتار قازاقستان پرەزيدەنتٸ ەكٸ ەلدٸڭ ەكونوميكالىق ىقپالداستىعىنىڭ, سونىڭ ٸشٸندە قۇرىلىس, ەنەرگەتيكا, اۋىل شارۋاشىلىعى, قارجى, ينۆەستيتسييا جەنە تۋريزم سالالارىنىڭ ەلەۋەتٸ زور ەكەنٸن اتاپ ٶتتٸ.
كۋۆەيتتٸڭ پرەمەر-مينيسترٸ قازاقستانمەن بايلانىستاردى نىعايتۋدىڭ پەرسپەكتيۆالارىنا جوعارى باعا بەردٸ.
– ەلدەرٸمٸز اراسىنداعى ساۋدا-ەكونوميكالىق, ينۆەستيتسييالىق, مەدەني-گۋمانيتارلىق, تۋريستٸك باعىتتاردا ىنتىماقتاستىق ورناتۋ ٷشٸن ٷلكەن ەلەۋەت بار, – دەدٸ كۋۆەيت ٷكٸمەتٸنٸڭ باسشىسى.
شەيح ساباح حاليد ەل-حاماد اس-ساباح ەكٸ ەل اراسىنداعى ساۋدا-ەكونوميكالىق ىنتىماقتاستىق جٶنٸندەگٸ ٷكٸمەتارالىق كوميسسييانىڭ الدىندا ماڭىزدى مٸندەتتەر تۇرعانىن اتاپ ٶتتٸ. ول كوميسسييانىڭ الداعى ۋاقىتتا ٶتەتٸن 4-وتىرىسىندا قازاقستان-كۋۆەيت قاتىناستارىن جاڭا دەڭگەيگە شىعارۋعا مٷمكٸندٸك بەرەتٸن جاڭا ەدٸستەر ەزٸرلەنەتٸنٸنە سەنٸم بٸلدٸردٸ.
كەزدەسۋ سوڭىندا قاسىم-جومارت توقاەۆ كۋۆەيتتٸڭ پرەمەر-مينيسترٸن قازاقستانعا ساپارمەن كەلۋگە شاقىردى.
