تەجٸك تاراپىنىڭ ۇسىنىسى بويىنشا مەملەكەت باسشىسى قاسىم-جومارت توقاەۆ تەجٸكستان پرەزيدەنتٸ ەمومالي راحمونمەن تەلەفون ارقىلى سٶيلەستٸ, دەپ حابارلايدى اقوردا.
مەملەكەتتەر باسشىلارى كوروناۆيرۋس پاندەميياسىنىڭ تارالۋى مەن ونىڭ تەرٸس ەسەرٸنە بايلانىستى ٶڭٸردەگٸ ەپيدەميولوگييالىق جەنە ەكونوميكالىق قاۋٸپسٸزدٸكتٸ قامتاماسىز ەتۋ مەسەلەلەرٸن تالقىلادى. تاراپتار COVID-19 ٸندەتٸنە قارسى كٷرەستە ەكٸ ەل ٷكٸمەتتەرٸنٸڭ قابىلداپ جاتقان شارالارى مەن ناقتى ٸس-ەرەكەتتەرٸ تۋرالى اقپارات الماستى.
وسى ورايدا تەجٸكستان پرەزيدەنتٸ اتالعان قاتەرلٸ ٸندەتتٸڭ تارالۋىن بولدىرماۋ جٶنٸندەگٸ قازاقستاننىڭ قابىلداعان شەشٸمدەرٸن جوعارى باعالاپ, ازاماتتارعا, وتاندىق شاعىن جەنە ورتا كەسٸپكەرلٸككە دەر كەزٸندە كٶمەك كٶرسەتكەنٸن اتاپ ٶتتٸ.
ەمومالي راحمون قاسىم-جومارت توقاەۆقا قيىن-قىستاۋ كەزەڭدە تەجٸك حالقىنا كٶرسەتكەن قولداۋى, ونىڭ ٸشٸندە, تەجٸكستاننىڭ ٶتٸنٸشٸ بويىنشا گۋمانيتارلىق كٶمەك رەتٸندە 5 مىڭ توننا ۇن جەتكٸزگەنٸ ٷشٸن ريزاشىلىعىن بٸلدٸردٸ. سونداي-اق ول تەجٸكستاننىڭ ازاماتتارىن وتانىنا قايتارۋعا جەنە قازاقستان شەكاراسىنان جٷك تاسىمالىن توقتاۋسىز ٶتكٸزۋگە ىقپال ەتكەنٸ ٷشٸن العىس ايتتى.
مەملەكەت باسشىسى قازاقستان مەن تەجٸكستان اراسىنداعى دەستٷرلٸ دوستىق قاتىناستاردىڭ ٶزارا قولداۋعا جەنە اشىقتىققا نەگٸزدەلگەنٸن اتاپ ٶتتٸ.
– ساۋدا كٶلەمٸ بويىنشا قازاقستان تەجٸكستاننىڭ ەكٸنشٸ سەرٸكتەس ەلٸ سانالادى. سوندىقتان بٸز ەكٸجاقتى ساۋدا اينالىمىن, ەسٸرەسە, ازىق-تٷلٸك ٶنٸمدەرٸن جەتكٸزۋ ارقىلى ودان ەرٸ ارتتىرۋعا مٷددەلٸمٸز, – دەدٸ قازاقستان پرەزيدەنتٸ.
حالىقارالىق كٷن تەرتٸبٸندەگٸ مەسەلەلەردٸ تالقىلاۋ بارىسىندا قاسىم-جومارت توقاەۆ ەلٸمٸزدٸڭ ەكٸجاقتى جەنە كٶپجاقتى فورماتتاعى, ونىڭ ٸشٸندە, بۇۇ, ازيياداعى ٶزارا ٸس-قيمىل جەنە سەنٸم شارالارى جٶنٸندەگٸ كەڭەس الاڭدارىندا تابىستى جۇمىس جٷرگٸزٸپ كەلە جاتقانىن ايتتى. وسىعان بايلانىستى مەملەكەت باسشىسى تەجٸكستان پرەزيدەنتٸنە قازاقستاننىڭ باستامالارىن جان-جاقتى دامىتۋعا تۇراقتى قولداۋ كٶرسەتٸپ كەلە جاتقانى ٷشٸن ريزاشىلىعىن بٸلدٸردٸ.
دوستاس حالىقتارىمىزدىڭ, سونداي-اق, جالپى ورتالىق ازييا ەلدەرٸنٸڭ يگٸلٸگٸ مەن قاۋٸپسٸزدٸگٸن ساقتاۋدىڭ ماڭىزدىلىعىن ەسكەرە وتىرىپ, تاراپتار تەجٸكستان پرەزيدەنتٸنٸڭ بٸرقاتار ناقتى ۇسىنىستارىنىڭ جٷزەگە اسىرىلۋ مٷمكٸندٸكتەرٸن قاراستىرۋ ٷشٸن ەكٸ ەلدٸڭ ٷكٸمەتتەرٸنە تاپسىرما بەرۋگە كەلٸستٸ.
سٶز سوڭىندا تەجٸكستان پرەزيدەنتٸ ەمومالي راحمون قازاقستاننىڭ تۇڭعىش پرەزيدەنتٸ - ەلباسى نۇرسۇلتان نازارباەۆقا جٷرەكجاردى سەلەمٸن جولدادى.
