بٷگٸن مەملەكەت باسشىسى اقمولا وبلىسى, تسەلينوگراد اۋدانىنا جۇمىس ساپارىمەن باردى, دەپ حابارلايدى اقوردا.
پرەزيدەنت ساپارى «Hevel Kazakhstan» جاۋاپكەرشٸلٸگٸ شەكتەۋلٸ سەرٸكتەستٸگٸنە قاراستى كٷن ەلەكتر ستانتسيياسىنىڭ جۇمىسىمەن تانىسۋدان باستالدى. اتالعان نىسان بيىل پايدالانۋعا بەرٸلدٸ.
قاسىم-جومارت توقاەۆقا ايماقتاعى «جاسىل ەنەرگەتيكانى» دامىتۋ پەرسپەكتيۆاسى جايىندا باياندالدى. قۋاتتىلىعى 100 مۆت بولاتىن ەلەكتر ستانتسييانىڭ قۇرىلىسىنا 30 ميلليارد تەڭگەگە جۋىق ينۆەستيتسييا سالىنعان. ستانتسييا جىلىنا 148 ميلليون كيلوۆات ساعات ەلەكتر قۋاتىن ٶندٸرەدٸ. قۇرىلىس جوباسىن سالۋ بارىسىندا كومپانييانىڭ ٶز ەزٸرلەمەسٸ, اتاپ ايتقاندا, گەتەروقۇرىلىمدى ەكٸ جاقتى كٷن مودۋلٸ سەكٸلدٸ يننوۆاتسييالىق تەحنولوگييا پايدالانىلعان.
مەملەكەت باسشىسى قازاقستانداعى جاڭارتىلعان قۋات كٶزٸن پايدالانۋدىڭ ماڭىزدىلىعىن اتاپ ٶتٸپ, ەلەكتر ستانتسيياسىنىڭ قىزمەتكەرلەرٸنە تابىس تٸلەدٸ.
