Búgin Memleket basshysy Aqmola oblysy, Tselinograd aýdanyna jumys saparymen bardy, dep habarlaidy Aqorda.
Prezident sapary «Hevel Kazakhstan» jaýapkershiligi shekteýli seriktestigine qarasty kún elektr stantsiiasynyń jumysymen tanysýdan bastaldy. Atalǵan nysan biyl paidalanýǵa berildi.
Qasym-Jomart Toqaevqa aimaqtaǵy «jasyl energetikany» damytý perspektivasy jaiynda baiandaldy. Qýattylyǵy 100 MVt bolatyn elektr stantsiianyń qurylysyna 30 milliard teńgege jýyq investitsiia salynǵan. Stantsiia jylyna 148 million kilovat saǵat elektr qýatyn óndiredi. Qurylys jobasyn salý barysynda kompaniianyń óz ázirlemesi, atap aitqanda, geteroqurylymdy eki jaqty kún modýli sekildi innovatsiialyq tehnologiia paidalanylǵan.
Memleket basshysy Qazaqstandaǵy jańartylǵan qýat kózin paidalanýdyń mańyzdylyǵyn atap ótip, elektr stantsiiasynyń qyzmetkerlerine tabys tiledi.
