بٷگٸن «استانا» حالىقارالىق قارجى ورتالىعىنىڭ رەسمي اشىلۋى اياسىندا قر پرەمەر-مينيسترٸ باقىتجان ساعىنتاەۆ Oppenheimer قورىنىڭ باسقارۋشى ديرەكتورى دجون تونەلليمەن جەنە يسلام دامۋ بانكٸنٸڭ پرەزيدەنتٸ دوكتور باندار موحاممەد حامزا حادجارمەن كەزدەستٸ, دەپ حابارلايدى "ۇلت اقپارات" primeminister.kz سٸلتەمە جاساپ.
كەزدەسۋلەر بارىسىندا قازاقستانداعى ينۆەستيتسييالىق جوبالاردى قارجىلاندىرۋ تۇرعىسىنان ودان ەرٸ ىنتىماقتاستىق مەسەلەلەرٸ تالقىلاندى, سونداي-اق حالىقارالىق بيزنەس ٷشٸن كەڭەيتٸلٸپ جاتقان مٷمكٸندٸكتەر قارالدى.
يسلام دامۋ بانكٸنٸڭ پرەزيدەنتٸ دوكتور باندار موحاممەد حامزا حادجارمەن كەزدەسۋدە ەكونوميكانىڭ باسىم سەكتورلارىندا, ونىڭ ٸشٸندە اۋىل شارۋاشىلىعى, ينفراقۇرىلىمدىق جوبالار, سونداي-اق عىلىم مەن تەحنولوگييالاردى دامىتۋ سالالارىندا ٶزارا ٸس-قيمىلدى نىعايتۋ كەلەشەگٸ قارالدى.
1995 جىلى يسلام ىنتىماقتاستىعى ۇيىمىنا قوسىلعاننان كەيٸن قازاقستان يسلام دامۋ بانكٸنٸڭ مٷشەسٸ بولدى. 2012-2015 جىلدارى قازاقستان اۋماعىندا يدب ٶزٸنٸڭ تمد اۋماعىنداعى العاشقى ەلدٸك ستراتەگيياسىن جٷزەگە اسىردى, بۇل ەل ەكونوميكاسىنا, اتاپ ايتقاندا, ساۋدانى قارجىلاندىرۋ, جەكەمەنشٸك سەكتوردى دامىتۋ جەنە ساقتاندىرۋ سالالارىنا شامامەن $650 ملن تارتۋعا جول اشتى. بٷگٸنگٸ تاڭدا بانك جالپى سوماسى $1,874 ملرد قۇرايتىن 67 جوبانى ماقۇلدادى. يدب قولداۋدىڭ نەگٸزگٸ باعىتتارى: كٶلٸك ينفراقۇرىلىمىن دامىتۋ (جالپى وپەراتسييالار سوماسىنىڭ 55,8%), اۋىل شارۋاشىلىعىن دامىتۋ (23,3%), شاعىن جەنە ورتا بيزنەستٸ جەنە قارجى سەكتورىن دامىتۋ (19%), بٸلٸم بەرۋ (1%), دەنساۋلىق ساقتاۋ (0,8%), اقپاراتتىق-كوممۋنيكاتسييالىق تەحنولوگييالار, سانيتارلىق باقىلاۋ جەنە قالا قىزمەتتەرٸ.
كەزدەسۋگە قاتىسۋشىلار قازاقستاننىڭ يدب-مەن ىنتىماقتاستىعىنىڭ كەڭەيۋٸنە استانادا احقو بازاسىندا حالىقارالىق يسلام ساۋدا-قارجى كورپوراتسيياسى (ITFC) ٶكٸلدٸگٸنٸڭ اشىلۋى ىقپال ەتەتٸنٸن اتاپ ٶتتٸ.
دوكتور باندار موحاممەد حامزا حادجار قر-نىڭ ITFC-كە قوسىلۋى ۇلتتىق ەكسپورتتى جەنە ٶزارا ساۋدانى جەتٸلدٸرۋگە ىقپال ەتەتٸنٸن, سونداي-اق قازاقستانعا يىۇ-عا مٷشە ەلدەر رەتٸندەگٸ جاڭا قۇرالدار مەن تۇراقتى قارجى كٶزدەرٸن, نارىقتاردى قامتاماسىز ەتەتٸنٸن مەلٸمدەدٸ. بۇدان ٶزگە, بۇل قازاقستانعا يىۇ ەلدەرٸمەن ٶزارا ساۋدا-ساتتىقتا قۇندى تەجٸريبە الۋعا, سونىمەن قاتار ITFC تەحنولوگييالارى مەن جيناقتالعان تەجٸريبەنٸ دايىن ٶنٸم ەكسپورتىن دامىتۋعا باعىتتاۋعا جول اشادى.
Oppenheimer قورىنىڭ ديرەكتورى د. تونەلليدٸڭ باقىتجان ساعىنتاەۆپەن كەزدەسۋٸ بارىسىندا كومپانييانىڭ «سامۇرىق-قازىنا» ۇەق جەكەشەلەندٸرۋ باعدارلاماسىنا قاتىسۋى, ينفراقۇرىلىمدىق قور قۇرۋ, سونداي-اق قازاقستاندىق كومپانييالاردى شەتەلدٸك كاپيتال نارىقتارىنا شىعارۋ مەسەلەلەرٸ قارالدى.
Oppenheimer - ينۆەستورلارعا, جەكە تۇلعالارعا, كەسٸپورىندارعا جەنە مەكەمەلەرگە قارجى قىزمەتتەرٸ مەن كەڭەستەر بەرەتٸن جەتەكشٸ ينۆەستيتسييالىق بانكتەردٸڭ بٸرٸ جەنە كٶپبەيٸندٸ ينۆەستيتسييالىق كومپانييا.
ەسكە سالا كەتسەك, قر پرەزيدەنتٸنٸڭ 2018 جىلدىڭ قاڭتار ايىندا اقش-قا رەسمي ساپارى اياسىندا Oppenheimer قورى مەن «Kazakh Invest» ۇك اراسىندا ينفراقۇرىلىمدىق جوبالاردى قارجىلاندىرۋ جەنە ۇزاق مەرزٸمدٸ نەسيەلەندٸرۋ ٷشٸن ينفراقۇرىلىمدىق قور قۇرۋ تۋرالى مەموراندۋمعا قول قويىلدى.
