قازاقستان رەسپۋبليكاسى ٷكٸمەتٸنٸڭ 2016 جىلعى 27 جەلتوقسانداعى № 859 قاۋلىسىمەن نۇرعوجين مارات راحماليۇلى قر قورعانىس جەنە اەروعارىش ٶنەركەسٸبٸ ۆيتسە-مينيسترٸ بولىپ تاعايىندالدى, دەپ حابارلايدى "ۇلت اقپارات" قورعانىس جەنە اەروعارىش ٶنەركەسٸبٸ مينيسترلٸگٸنە سٸلتەمە جاساپ.
م. نۇرعوجين بۇل لاۋازىمىندا قازاقستان رەسپۋبليكاسى عارىش قىزمەتٸنٸڭ دامۋ مەسەلەلەرٸنە جەتەكشٸلٸك ەتەتٸن بولادى.
مارات نۇرعوجين 1957 جىلى 30 ماۋسىم كٷنٸ دٷنيەگە كەلگەن.
1980 جىلى ن.ە. باۋمان اتىنداعى مەسكەۋ جوعارى تەحنيكالىق ۋچيليششەنٸ ٷزدٸك بٸتٸرگەن, تەحنيكالىق عىلىمدار دوكتورى, پروفەسسور.
ەڭبەك جولىن قاراعاندى پوليتەحنيكالىق ينستيتۋتىندا باستاپ, وندا كٸشٸ عىلىمي قىزمەتكەرٸنەن بٸرٸنشٸ پرورەكتورىنا دەيٸن ٶستٸ.
2004 جىلدىڭ ناۋرىز ايىندا قازاقستان رەسپۋبليكاسى عىلىم جەنە بٸلٸم مينيسترلٸگٸنٸڭ دەپارتامەنت ديرەكتورى لاۋازىمىنا تاعايىندالدى.
تٷرلٸ جىلدارى ەكٸمشٸلٸك باسشىسى, قر بعم اەروعارىش كوميتەتٸنٸڭ تٶراعاسى, «سامعاۋ» ۇلتتىق عىلىمي-تەحنولوگييالىق حولدينگ» اق باسقارما تٶراعاسىنىڭ ورىنباسارى, باسقارما مٷشەسٸ سەكٸلدٸ لاۋازىمدارىن اتقارعان.
2008 جىلى «قازاقستان عارىش ساپارى» ۇلتتىق كومپانيياسى» اق بٸرٸنشٸ ۆيتسە-پرەزيدەنتٸ, 2013 جىلدىڭ تامىزىندا – پرەزيدەنتٸنٸڭ مٸندەتٸن اتقارۋشى لاۋازىمىنا تاعايىندالدى.
م.ر. نۇرعوجين بەلسەندٸ عالىم, 250-دەن استام عىلىمي جەنە عىلىمي-ەدٸستەمەلٸك جۇمىستىڭ, مونوگرافييانىڭ, وقۋلىقتىڭ جەنە وقۋ ەدٸستەمەنٸڭ, پاتەنتتٸڭ, اۆتورلىق كۋەلٸكتٸڭ جەنە زيياتكەرلٸك مەنشٸك تۋرالى كۋەلٸكتٸڭ اۆتورى بولىپ تابىلادى.
قر قورعانىس جەنە اەروعارىش ٶنەركەسٸبٸ ۆيتسە-مينيسترٸ بولىپ تاعايىندالۋىنا دەيٸن م. نۇرعوجين «قازاقستان عارىش ساپارى» ۇك» اق پرەزيدەنتٸ لاۋازىمىن اتقاردى.
قازاقستان رەسپۋبليكاسىنىڭ مەملەكەتتٸك ناگرادالارمەن: «كۇرمەت» وردەنٸمەن, قازاقستان رەسپۋبليكاسى پرەزيدەنتٸنٸڭ العىس حاتىمەن, مەرەيتويلىق مەدالدارمەن, «قازاقستان رەسپۋبليكاسى بٸلٸم بەرۋ ٸسٸنٸڭ قۇرمەتتٸ قىزمەتكەرٸ» جەنە «قازاقستان رەسپۋبليكاسى عىلىمىن دامىتۋداعى جەتٸستٸكتەرٸ ٷشٸن» تٶسبەلگٸلەرمەن ماراپاتتالعان.
