Qazaqstan Respýblikasy Úkimetiniń 2016 jylǵy 27 jeltoqsandaǵy № 859 Qaýlysymen Nurǵojin Marat Rahmaliuly QR Qorǵanys jáne aeroǵarysh ónerkásibi Vitse-ministri bolyp taǵaiyndaldy, dep habarlaidy "Ult aqparat" Qorǵanys jáne aeroǵarysh ónerkásibi ministrligine silteme jasap.
M. Nurǵojin bul laýazymynda Qazaqstan Respýblikasy ǵarysh qyzmetiniń damý máselelerine jetekshilik etetin bolady.
Marat Nurǵojin 1957 jyly 30 maýsym kúni dúniege kelgen.
1980 jyly N.E. Baýman atyndaǵy Máskeý joǵary tehnikalyq ýchilisheni úzdik bitirgen, tehnikalyq ǵylymdar doktory, professor.
Eńbek jolyn Qaraǵandy politehnikalyq institýtynda bastap, onda kishi ǵylymi qyzmetkerinen birinshi prorektoryna deiin ósti.
2004 jyldyń naýryz aiynda Qazaqstan Respýblikasy Ǵylym jáne bilim ministrliginiń departament direktory laýazymyna taǵaiyndaldy.
Túrli jyldary Ákimshilik basshysy, QR BǴM Aeroǵarysh komitetiniń tóraǵasy, «Samǵaý» Ulttyq ǵylymi-tehnologiialyq holding» AQ Basqarma tóraǵasynyń orynbasary, basqarma múshesi sekildi laýazymdaryn atqarǵan.
2008 jyly «Qazaqstan Ǵarysh Sapary» Ulttyq kompaniiasy» AQ Birinshi vitse-prezidenti, 2013 jyldyń tamyzynda – Prezidentiniń mindetin atqarýshy laýazymyna taǵaiyndaldy.
M.R. Nurǵojin belsendi ǵalym, 250-den astam ǵylymi jáne ǵylymi-ádistemelik jumystyń, monografiianyń, oqýlyqtyń jáne oqý ádistemeniń, patenttiń, avtorlyq kýáliktiń jáne ziiatkerlik menshik týraly kýáliktiń avtory bolyp tabylady.
QR Qorǵanys jáne aeroǵarysh ónerkásibi Vitse-ministri bolyp taǵaiyndalýyna deiin M. Nurǵojin «Qazaqstan Ǵarysh Sapary» UK» AQ Prezidenti laýazymyn atqardy.
Qazaqstan Respýblikasynyń memlekettik nagradalarmen: «Kurmet» ordenimen, Qazaqstan Respýblikasy Prezidentiniń Alǵys hatymen, mereitoilyq medaldarmen, «Qazaqstan Respýblikasy bilim berý isiniń qurmetti qyzmetkeri» jáne «Qazaqstan Respýblikasy ǵylymyn damytýdaǵy jetistikteri úshin» tósbelgilermen marapattalǵan.
