قر بعم قاشىقتان وقىعان بالالاردىڭ بٸلٸمٸن جەتٸلدٸرمەك

باستاۋىش بٸلٸمنٸڭ 24%-ى جەنە جالپى ورتا بٸلٸمنٸڭ 18%-ى ينتەرنەت ارقىلى بەرٸلگەن, دەپ حابارلايدى finprom.kz پورتالى.

2020 جىلدىڭ تٶرتٸنشٸ توقسانىندا باستاۋىش بٸلٸم قىزمەتٸ 74,8 ملرد تگ بولعان, بٸر جىل بۇرىنعىمەن سالىستىرعاندا 36,4%-عا ارتىق. نەگٸزگٸ جەنە ورتا بٸلٸم وسى كەزەڭدە 367,6 ملرد تگ بولدى, جىلىنا 32,7%-عا ارتقان. 

بٸلٸم بەرۋ سالاسىنىڭ 9,2%-ى باستاۋىش بٸلٸمگە تيەسٸلٸ, جالپى ورتا بٸلٸم 45,1%-دى قۇرايدى. 

قىزمەتتەردٸڭ بارلىعىن دەرلٸك, ياعني باستاۋىش بٸلٸمنٸڭ 95,5%-ىن جەنە ورتا بٸلٸمنٸڭ 95,9%-ىن مەملەكەت قارجىلاندىرعان. 

ينتەرنەت جەلٸسٸ ارقىلى باستاۋىش بٸلٸمگە 17,6 ملرد تگ, ورتا بٸلٸمگە 65,3 ملرد تەڭگە جۇمسالعان. بۇل جالپى قىزمەتتەردٸڭ 24% جەنە 18%-عا جۋىعى. 

ينتەرنەت ارقىلى بٸلٸم بەرۋ جەنە قاشىقتان وقىتۋدىڭ باسقا دا تٷرلەرٸنە اۋىسۋ كٶپ وقۋشىلاردىڭ ساباعىن جالعاستىرۋعا مٷمكٸندٸك بەرگەنٸمەن, بٸرقاتار مەسەلەنٸڭ بار ەكەنٸ دە انىقتالدى. 

بٸلٸم جەنە عىلىم ۆيتسە-مينيسترٸ شولپان كارينوۆانىڭ ايتۋىنشا, قاشىقتان وقىعان بالالاردىڭ بٸلٸمٸندەگٸ ولقىلىقتار بيىل جەنە كەلەسٸ وقۋ جىلىندا تولىقتىرىلادى. 

ونىڭ سٶزٸنشە, قازٸر ونىڭ ورنىن قالاي تولتىرۋ كەرەگٸ تۋرالى ۇسىنىستار بار, سوعان بايلانىستى مۇعالٸمدەر وقۋ جوسپارىن دايىنداۋ كەزٸندە كٷردەلٸ تاقىرىپتارعا كٶبٸرەك توقتالادى. 

باستاۋىش بٸلٸم سالاسىنداعى قىزمەتتەردٸڭ جارتىسىنان كٶبٸن بىلتىرعى جىلدىڭ سوڭعى توقسانىندا ورتا كەسٸپورىندار كٶرسەتتٸ (39,6 ملرد تگ, بٸر جىل بۇرىنعىمەن سالىستىرعاندا 44,9%-عا ارتىق), سونداي-اق, قىزمەتتەردٸڭ 43%-ى شاعىن كەسٸپورىندارعا تيەسٸلٸ. 

نەگٸزگٸ جەنە جالپى ورتا بٸلٸم بەرۋ سالاسىندا ورتا كەسٸپورىندار بارلىق قىزمەتتەردٸڭ 56%-ىن كٶرسەتتٸ (205,9 ملرد تگ, ٶسٸم جىلىنا – 31,9%), شاعىن كەسٸپورىندار — 38,1% (140,2 ملرد تگ, جىلدىق ٶسٸم – 38,4%.)

ٶڭٸرلەر بويىنشا توقتالساق, باستاۋىش بٸلٸم بەرۋ سالاسىنداعى كٶرسەتٸلەتٸن قىزمەتتەردٸڭ ەڭ كٶپ كٶلەمٸ تٷركٸستان وبلىسىنا تيەسٸلٸ بولدى (15,9 ملرد تگ, ٶسٸم جىلىنا 23,2%). كٶشباسشى ٶڭٸرلەردٸڭ ٷشتٸگٸنە سونداي-اق الماتى (10,7 ملرد تگ) جەنە جامبىل وبلىسى (9,1 ملرد تگ) كٸردٸ.

نەگٸزگٸ جەنە جالپى ورتا بٸلٸم بەرۋ سالاسىندا ەڭ كٶپ قىزمەت الماتى وبلىسىندا كٶرسەتٸلدٸ (48,8 ملرد تگ, ٶسٸم جىلىنا 34,7%). ودان كەيٸن تٷركٸستان وبلىسى (39,8 ملرد تگ) جەنە الماتى (29,6 ملرد تگ).