قازاقستاننىڭ باس سانيتارلىق دەرٸگەرٸ جانداربەك بەكشين كوروناۆيرۋس ينفەكتسيياسى ٶرشٸگەن ەلدەرگە بارماۋعا كەڭەس بەردٸ, دەپ حابارلايدى "ۇلت اقپارات".
«قازٸرگٸ تاڭدا قىتاي حالىق رەسپۋبليكاسىندا جاعداي تۇراقتى. ونىڭ سەبەبٸ ٶتكەن اپتادا كٷندەلٸكتٸ ٶسۋ (كوروناۆيرۋسقا شالدىعۋ جاعدايلارى) بٸر كٷندە 0,51 پايىز بولعان ەدٸ. ودان كەيٸن 1,1 پايىز (...) مىسالى, ٶتكەن تەۋلٸكتە كٷندەلٸكتٸ ٶسۋ 0,28 پايىزدى كٶرسەتتٸ. قازٸر ول ەڭ تٶمەن دەڭگەيدە. ونى قۋانىشتى ەرٸ جاقسى اقپارات دەپ ايتۋعا بولادى», - دەدٸ جانداربەك بەكشين بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
دەسە دە, باس سانيتارلىق دەرٸگەر كەيٸنگٸ كەزدە باسقا ەلدەردە كوروناۆيرۋس ينفەكتسيياسىنىڭ ٶرشۋٸ الاڭداتىپ وتىرعانىن ايتادى.
«ٶسۋ دەڭگەيٸ 22 اقپاندا 24 پايىز بولسا, ٶتكەن تەۋلٸكتە 21 پايىزدى كٶرسەتتٸ. ابسوليۋتتٸ سانداردى ايتار بولساق, كٷندەلٸكتٸ ٶسۋٸ – 314 جاعداي بولدى. ٶتكەن تەۋلٸك بويىنشا 347 جاعداي تٸركەلدٸ. سوندىقتان بۇل مەسەلە بٸزدٸ ٶتە الاڭداتادى. سەبەبٸ وسى ەلدەر قولايسىز مەملەكەتتەردٸڭ قاتارىنا ەنۋدە. ولاردىڭ قاتارىندا وڭتٷستٸك كورەيا – اۋىرۋ دەڭگەيٸ بويىنشا ەكٸنشٸ ورىندا. بۇل اۋرۋ كورەيا رەسپۋبليكاسىنىڭ كٶبٸنەسە ەكٸ پروۆينتسيياسىندا تٸركەلۋدە. باسقا دا پروۆينتسييالارىندا 18 جاعداي بولعان», - دەدٸ ول.
جانداربەك بەكشين وڭتٷستٸك كورەيامەن قازاقستاننىڭ جان-جاقتى قارىم-قاتىناسى بارىن جەتكٸزدٸ. اتاپ ايتقاندا, قازٸرگٸ تاڭدا ول ەلدٸڭ اۋماعىندا قازاقستاننىڭ 23 مىڭ ازاماتى جٷر. ودان بٶلەك, زاڭسىز ميگراتسييا دا بار.
«بٸزدٸ الاڭداتاتىن تاعى بٸر ەل – يتالييا. ول ەلدە رەسمي اقپارات بويىنشا 144 جاعداي (كوروناۆيرۋستى جۇقتىرۋ), ال جاپونييادا 132 جاعداي تٸركەلدٸ. تەڭٸزدەگٸ كرۋيز لاينەرٸندە دە 600-دەن استام جاعداي تٸركەلگەنٸ ايتىلعان ەدٸ. سول لاينەردە 3 جاعداي ٶلٸممەن اياقتالدى. بٸزدٸ الاڭداتاتىن ەلدەردٸڭ ٸشٸندە سينگاپۋر (89), يران (43), تايلاند (35), مالايزييا (22), ۆەتنام (16) بار. مەن بۇل ەلدەردٸ نەگە اتاپ جاتىرمىن? قازاقستان تۇرعىندارىنا ايتقىم كەلەدٸ: قازٸرگٸ تاڭدا وسى اتالعان ەلدەرگە قاجەتٸ بولماسا, بارۋدان باس تارتۋ كەرەك. «نەگە?» دەسەڭٸز - جاعداي كٷندە-كٷندە ٶزگەرٸپ تۇر. بٸر عانا وڭتٷستٸك كورەيا ەلٸن الىپ قاراساڭىز, ەكٸ كٷننٸڭ ٸشٸندە بۇل ەل ەكٸنشٸ ورىنعا (ۆيرۋستىڭ انىقتالۋ جاعدايى بويىنشا) شىعىپ كەتتٸ. ەرتەڭ وسى ەلدەردە جاعداي قيىنداۋى مٷمكٸن. وسىنى ەستە ساقتاۋ كەرەك. سوندىقتان وڭتٷستٸك كورەيا, يتالييا, جاپونييا, سينگاپۋر, يران, مالايزييا, اۆسترالييا مەملەكەتتەرٸنە ساياحاتتى, باسقا دا بولسىن ساپارلاردى جوسپارلاۋدىڭ قاجەتٸ جوق. سەبەبٸ جاپونيياداعى لاينەر سەكٸلدٸ جاعدايعا ۇشىراۋ قاۋپٸ بار», - دەدٸ ول.
