بٷگٸن قر باس پروكۋراتۋراسى بۇقارالىق اقپارات قۇرالدارىنىڭ ٶكٸلدەرٸ ٷشٸن قۇقىقتىق ستاتيستيكا جەنە ارنايى ەسەپكە الۋ كوميتەتٸنٸڭ تسيفرلىق جوبالارىن تانىستىردى, دەپ حابارلايدى قازاقپارات.
قر باس پروكۋرورىنىڭ ورىنباسارى مارات احمەتجانوۆ ٸس-شارانى اشا وتىرىپ, «تسيفرلىق قازاقستان» مەملەكەتتٸك باعدارلاماسى اياسىندا مەملەكەتتٸك ورگاندارمەن بٸرلەسٸپ قىلمىستىق جەنە ەكٸمشٸلٸك پروتسەستەردٸ اۆتوماتتاندىرۋ, تەكسەرۋلەر تاعايىنداۋ, ٶتٸنٸشتەرمەن جۇمىس بويىنشا جوبالار ٸسكە اسىرىلعانىن اتاپ ٶتتٸ.
ولار مەملەكەتتٸك ورگانداردىڭ قىزمەتٸن وڭتايلاندىرۋعا, ازاماتتاردىڭ قۇقىقتارىن قورعاۋدى كٷشەيتۋگە, قۇقىقتىق ستاتيستيكانىڭ اشىقتىعى مەن انىقتىعىن قامتاماسىز ەتۋگە, سىبايلاس جەمقورلىق تەۋەكەلدەرٸن بارىنشا ازايتۋعا, سونداي-اق بيۋدجەت قاراجاتىن ٷنەمدەۋگە باعىتتالعان.
جۋرناليستەرگە «ەكٸمشٸلٸك ٸس جٷرگٸزۋلەردٸڭ بٸرىڭعاي تٸزٸلٸمٸ» «تەكسەرۋ سۋبەكتٸلەرٸ مەن وبەكتٸلەرٸنٸڭ بٸرىڭعاي تٸزٸلٸمٸ», «ەلەكتروندىق ٶتٸنٸشتەر» تسيفرلىق جوبالارىنىڭ مٷمكٸندٸكتەرٸ جەنە «Qamqor» اقپاراتتىق سەرۆيسٸ كٶرسەتٸلدٸ.
اتاپ ايتقاندا, شاقىرىلعاندار مەملەكەت باسشىسىنىڭ 2020 جىلعى 1 قىركٷيەكتەگٸ «جاڭا جاعدايداعى قازاقستان: ٸس-قيمىل كەزەڭٸ» جولداۋىندا بەرٸلگەن تاپسىرمالارىن ورىنداۋ اياسىندا ٸسكە اسىرىلاتىن «سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸ» (سدتبت) جٷيەسٸندە سوتقا دەيٸنگٸ تەرگەۋ ورگاندارىنىڭ نەگٸزگٸ شەشٸمدەرٸن پروكۋرورلارمەن كەلٸسۋ تەرتٸبٸمەن تانىستى.
بۇدان باسقا, قىلمىستىق پروتسەسكە قاتىسۋشىلاردىڭ قابىلدانعان پروتسەستٸك شەشٸمدەردٸ قاشىقتىقتان قاداعالاۋعا, كەلٸسپەگەن جاعدايلاردا ولارعا ۋاقتىلى شاعىمدانۋعا مٷمكٸندٸگٸ بار. مۇنداي مودەل پروتسەستٸك قۇجاتتاردى دايىنداۋ ۋاقىتىن جەنە تەرگەۋ مەرزٸمدەرٸن قىسقارتادى, قىلمىستىق قۋدالاۋ شەڭبەرٸنە زاڭسىز تارتىلعان ادامداردىڭ قۇقىقتارى مەن بوستاندىقتارىن قورعاۋدى قامتاماسىز ەتەدٸ. وسى جاڭالىقتاردى ٸسكە اسىرۋ قىلمىستىق پروتسەستٸڭ ٷش بۋىندى مودەلٸنە كٶشۋدٸڭ بٸرٸنشٸ كەزەڭٸ بولىپ تابىلادى.
