قازاقستاننان رەسەيگە ەكسپورتتالعان قىزاناقتاردا قاۋٸپتٸ ۆيرۋس انىقتالعان جوق. مۇنداي مەلٸمەتتٸ قر اۋىل شارۋاشىلىعى مينيسترلٸگٸ ۇسىندى, دەپ حابارلايدى "ۇلت اقپارات".
ۆەدومستۆو مەلٸمەتٸنشە, 2020 جىلدىڭ جەلتوقسانىندا رەسەيدٸڭ ۆەتەرينارلىق جەنە فيتوسانيتارلىق قاداعالاۋ جٶنٸندەگٸ فەدەرالدىق قىزمەتٸ (روسسەلحوزنادزور) «Green Capital Kazakhstan», «Green Land Alatau» جشس-نٸڭ ٶنٸمدەرٸندە قىزاناق جەمٸستەرٸنٸڭ قاۋٸپتٸ ۆيرۋسى (Tomato brown rugose fruit virus نەمەسە ToBRFV) انىقتالعاندىعى جەنە «Greenhouse-Qaztomat» جشس ٶندٸرەتٸن قىزاناقتى الىپ كەلۋگە شەكتەۋ ەنگٸزگەنٸ تۋرالى حابارلاما جٸبەرگەن. وسىعان بايلانىستى قر اشم اگروٶنەركەسٸپتٸك كەشەندەگٸ مەملەكەتتٸك ينسپەكتسييا كوميتەتٸ شۇعىل تٷردە رەسمي تەكسەرۋ ۇيىمداستىردى. ٶسٸمدٸكتەر كارانتينٸ جٶنٸندەگٸ مەملەكەتتٸك ينسپەكتورلار, سونداي-اق «فيتوسانيتارييا» رمك, «فيتوسانيتارلىق دياگنوستيكا جەنە بولجامدار ەدٸستەمەلٸك ورتالىعى» رمم جەنە «رەسپۋبليكالىق ٶسٸمدٸكتەر كارانتينٸ ورتالىعى» مم ماماندارى پتر-تالداۋ جٷرگٸزۋ ماقساتىندا سىنامالاردى الۋ ٷشٸن «Greenhouse-Qaztomat» جشس-دە كوميسسييالىق تەكسەرۋ جٷرگٸزدٸ.
«تالداۋ ٷشٸن رەسەي فەدەراتسيياسىنىڭ «بٷكٸلرەسەيلٸك ٶسٸمدٸكتەر كارانتينٸ ورتالىعىنىڭ» جەدەل تەستتەرٸ قولدانىلدى. ىقتيمال قاتەلەر مەن كەلٸسپەۋشٸلٸكتەردٸ بولدىرماۋ ٷشٸن زەرتحانالىق تالداۋ ەدٸستەرٸ رەسەيلٸك ۇيىمنىڭ ماماندارىمەن بٸرگە جاسالدى. ساراپتاما قورىتىندىسى بويىنشا «Greenhouse-Qaztomat» جشس ٶنٸمدەرٸندە ToBRFV ۆيرۋستارى انىقتالعان جوق. سونداي-اق, وبەكتيۆتٸلٸك ٷشٸن كومپانييا ٶز باستاماسى بويىنشا ٶنٸمنٸڭ سىنامالارىن «Groen Agro Control» تەۋەلسٸز زەرتحاناسىنا (نيدەرلاندى) جٸبەردٸ. قوسىمشا زەرتتەۋ نەتيجەلەرٸ بويىنشا جىلىجاي شارۋاشىلىعىندا ۆيرۋس انىقتالعان جوق. وسىنداي كوميسسييالىق تەكسەرۋلەر «Green Capital Kazakhstan» جەنە «Green Land Alatau» جىلىجاي شارۋاشىلىقتارىندا جٷرگٸزٸلدٸ. ول جەرلەردە دە ۆيرۋس انىقتالمادى», - دەپ اتاپ ٶتەدٸ ۆەدومستۆودان.
رەسمي تەكسەرۋلەردٸڭ نەتيجەلەرٸ رەسەيدٸڭ ۆەتەرينارلىق جەنە فيتوسانيتارلىق قاداعالاۋ جٶنٸندەگٸ فەدەرالدىق قىزمەتٸنە حابارلانعان.
«قر اشم اگروٶنەركەسٸپتٸك كەشەندەگٸ مەملەكەتتٸك ينسپەكتسييا كوميتەتٸ روسسەلحوزنادزوردىڭ ٸس-ەرەكەتٸ ەاەو تۋرالى شارتتىڭ تالاپتارىن ٶرەسكەل بۇزادى جەنە جاساندى كەدەرگٸ بولىپ تابىلادى دەپ ەسەپتەيدٸ. وسىعان بايلانىستى اۋىل شارۋاشىلىعى مينيسترلٸگٸ ەۋرازييالىق ەكونوميكالىق كوميسسيياعا جٷگٸنۋگە نيەتتٸ. سونىمەن قاتار, قر اشم ۆيرۋستاردى انىقتاۋ فاكتٸلەرٸنٸڭ دۇرىستىعىنا كٷمەن كەلتٸردٸ. سەبەبٸ, روسسەلحوزنادزوردىڭ سۆەردلوۆ رەفەرەنتتٸك ورتالىعى 2020 جىلعى 11 جەلتوقساندا «Greenhouse Kazakhstan» جشس ٶنٸمٸ قاۋٸپتٸ دەپ قورىتىندى بەرگەن. الايدا كومپانييا 24 جەلتوقساندا سول پارتييادان سىنامالاردى الىپ, «بٷكٸلرەسەيلٸك ٶسٸمدٸكتەر كارانتينٸ ورتالىعى» فمبم-نٸڭ ورتالىق زەرتحاناسىندا قايتا ساراپتاما جٷرگٸزۋدٸ تالاپ ەتكەننەن كەيٸن اتالعان ٶنٸمنٸڭ تازالىعىن راستايتىن قورىتىندى العان», - دەدٸ مينيسترلٸكتەن.
