تانىمال ەنشٸ ەردوس قاناەۆ ەلەۋمەتتٸك جەلٸدە ٶزٸنٸڭ سىرت كەلبەتٸنە قاتىستى پٸكٸر بٸلدٸرگەن وقىرماندارىنا جاۋاپ بەردٸ. ٶنەر يەسٸ ٶمٸرٸندەگٸ اۋىر سەتتەر تۋرالى دا اشىق جازدى, دەپ حابارلايدى ult.kz.
ەنشٸنٸڭ ايتۋىنشا, بۇعان دەيٸن جارييالاعان ۆيدەوسىنىڭ استىندا كەيبٸر جەلٸ قولدانۋشىلارى ونىڭ قاتتى ٶزگەرگەنٸن ايتىپ, «قارتايىپ كەتٸپسٸز», «بۇل دا قارتايىپتى» دەگەن پٸكٸرلەر قالدىرعان.
ەردوس قاناەۆ مۇنداي ٶزگەرٸستٸڭ ارتىندا ادامنىڭ باسىنان ٶتكەن اۋىر سىناقتار مەن جوعالتۋلار تۇرۋى مٷمكٸن ەكەنٸن جەتكٸزدٸ.
«ٷمٸت ەتكەن بالاڭ 10 جاسىندا باقيلىق بولسا, ارتىنان اسقار تاۋ ەكەڭ و دٷنيەلٸك بولسا, قارتاياسىڭ. كٶز ٸلەسپەس شاپشاڭدىقپەن قارتايادى ەكەنسٸڭ», – دەپ جازدى ەنشٸ.
سونىمەن قاتار ول ادامنىڭ سىرتقى كەلبەتٸنە قاراپ, ونىڭ جان دٷنيەسٸندە نە بولىپ جاتقانىن اڭعارۋ ەردايىم مٷمكٸن ەمەس ەكەنٸن ايتتى.
«كٷلٸپ جٷرگەن ادامنىڭ بەرٸ باقىتتى ەمەس, تٷسٸنگەنٸم!» – دەدٸ ەردوس قاناەۆ.
ەنشٸنٸڭ بۇل جازباسى جەلٸدەگٸ سىرت كەلبەتكە قاتىستى پٸكٸرلەرگە جاۋابىمەن قاتار, ادامدى سىرتقى بەينەسٸنە قاراپ باعالاماۋعا شاقىرعان ويىمەن دە كٶپشٸلٸك نازارىن اۋداردى.
