الماتى وبلىسىنداعى ٶتەگەن باتىر اۋىلىندا اعاش كەسۋ جۇمىستارى كەزٸندە كٶتەرگٸش تەحنيكانىڭ كەنەتتەن ٸستەن شىعۋى سالدارىنان ەكٸ جۇمىسشى بيٸكتەن قۇلاپ, اۋىر جاراقات الدى. تۇرعىندار ەسكٸ تەحنيكانىڭ قاۋٸپسٸزدٸك تالاپتارىنا ساي كەلمەيتٸنٸن ايتىپ, جاسىل جەلەكتٸڭ جاپپاي كەسٸلۋٸنە دە الاڭداۋشىلىق بٸلدٸردٸ, دەپ حابارلايدى ult.kz.
كتك تەلەارناسىنىڭ حابارلاۋىنشا, جەرگٸلٸكتٸ تۇرعىنداردىڭ ايتۋىنشا, ونداعان جىل بويى كٷتٸم كٶرمەگەن اعاشتاردى كەسۋ جۇمىستارى الدىن الا ەسكەرتۋسٸز باستالعان. وقيعا كەزٸندە كٶتەرگٸش قۇرىلعى بۇزىلىپ, جۇمىسشىلار تٶمەنگە قۇلاعان. كۋەگەرلەردٸڭ سٶزٸنشە, ولاردىڭ بٸرٸن تەحنيكا باسىپ قالعان.
وقيعا سالدارىنان 2005 جەنە 2002 جىلى تۋعان ەكٸ ازامات اۋرۋحاناعا جەتكٸزٸلدٸ. دەرٸگەرلەر ولاردىڭ باس ميىنىڭ شايقالۋى, كەۋدە قۋىسىنىڭ جابىق جاراقاتى, جامباس سٷيەكتەرٸنٸڭ سىنۋى سەكٸلدٸ كٶپتەگەن جاراقاتپەن تٷسكەنٸن مەلٸمدەدٸ. بٸر ناۋقاس جانساقتاۋ بٶلٸمٸنە, ەكٸنشٸسٸ جاراقات بٶلٸمٸنە جاتقىزىلعان. قازٸر ولاردىڭ جاعدايى بٸرتٸندەپ جاقسارىپ كەلەدٸ.
ٶتەگەن باتىر اۋىلدىق وكرۋگٸنٸڭ ەكٸمدٸگٸ مەردٸگەر كومپانييامەن جاسالعان كەلٸسٸمدە بارلىق تالاپتاردىڭ ساقتالعانىن, ال تەحنيكا مەن ەڭبەك قاۋٸپسٸزدٸگٸنە قاتىستى جاۋاپكەرشٸلٸك تولىعىمەن مەردٸگەرگە جٷكتەلەتٸنٸن ايتتى.
قازٸرگٸ ۋاقىتتا وقيعاعا بايلانىستى پوليتسييا تەكسەرٸس جٷرگٸزٸپ جاتىر. ەكٸمدٸك قىلمىستىق ٸس قوزعالماعان جاعدايدا مەردٸگەر كومپانييامەن جۇمىستى جالعاستىراتىنىن مەلٸمدەدٸ.
