قوستاناي وبلىسى پوليتسييا دەپارتامەنتٸنٸڭ قىزمەتكەرلەرٸ مۇرات ەلماعامبەت پەن نۇردەۋلەت جٷسٸپ سۋيتسيد جاساماق بولعان قىزدى امان الىپ قالدى, دەپ حابارلايدى "ۇلت اقپارات".
ۆەدومستۆونىڭ باسپاسٶز قىزمەتٸ تاراتقان اقپاراتقا سٷيەنسەك, تەرتٸپ ساقشىلارى ەكٸمشٸلٸك اۋماقتا رەيد جاساپ جٷرگەن.
«ولار ٷيدٸڭ بەسٸنشٸ قاباتىنداعى بالكوندا تۇرعان قىزدى كٶرەدٸ. پوليتسەيلەر دەرەۋ ساقتىق شارالارىن قابىلدادى. مۇرات ەلماعامبەت قىزبەن سٶيلەسۋ ٷشٸن بەسٸنشٸ قاباتقا كٶتەرٸلدٸ, ال نۇردەۋلەت جٷسٸپ سىرتتا تۇردى. پەتەرگە كٸرگەن تەرتٸپ ساقشىسى بالكوننان سەكٸرٸپ كەتپەك بولعان قىزدى ۇستاپ قالدى. كەيٸن ول مەديتسينا قىزمەتكەرلەرٸن شاقىرىپ, قىزعا كٶمەك كٶرسەتتٸ», دەلٸنگەن باسپاسٶز حابارلاماسىندا.
بەلگٸلٸ بولعانداي, 26 جاستاعى قىز وتباسىلىق داۋ-دامايدان سوڭ سۋيتسيد جاساماق بولعان. ايتا كەتۋ كەرەك, «102» اتالمىش فاكتٸ بويىنشا حابارلاما تٷسپەگەن.
ادام ٶمٸرٸن ساقتاپ قالعان پوليتسييا كاپيتانى مۇرات ەلماعامبەتوۆ ٸشكٸ ٸستەر ورگاندارىندا 2006 جىلدان باستاپ قىزمەت ەتەدٸ. پوليتسييا لەيتەنانتى نۇردەۋلەت جٷسٸپتٸڭ ەڭبەك ٶتٸلٸ – 5 جىل.
