قوستاناي وبلىسىندا بٸر ادامنىڭ كوروناۆيرۋستان كٶز جۇمۋىنا بايلانىستى كلينيكالىق تەرگەۋ جۇمىستارى جٷرگٸزٸلۋدە, دەپ حابارلايدى "ۇلت اقپارات".
«ەپيدەميولوگييالىق تەرگەۋ ەلٸ جٷرٸپ جاتىر. بۇل تەرگەۋ جٷرگٸزۋ ٷشٸن الدىمەن اۋرۋدان كٶز جۇمعان اداممەن بايلانىستا بولعانداردى انىقتاۋ كەرەك. ال ەمدەۋگە قاتىستى سۇراقتارعا كلينيكالىق تەرگەۋ جۇمىستارى اياقتالعان سوڭ عانا جاۋاپ بەرە الامىن. بۇعان قاتىستى جۇمىستار جٷرگٸزٸلٸپ, قاجەتتٸ قۇجاتتار الىندى. بۇل ادامدار شىنىمەن ەلوردادا بولعانى تۋرالى ايتا الامىن, بٸراق ولاردىڭ نۇر-سۇلتاندا بولعانىنا ۇزاق ۋاقىت بولعان جەنە ينكۋباتسييالىق كەزەڭ دە ٶتٸپ كەتتٸ», - دەيدٸ قوستاناي وبلىسى تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى ورال بەكماعامبەتوۆ.
ول كوروناۆيرۋستان كٶز جۇمعان ادام اۋرۋدى قوستانايعا كەلگەن سوڭ جۇقتىرۋى مٷمكٸن ەكەنٸن ايتتى.
«ولاردىڭ اۋرۋ جۇقتىرۋ كٶزٸ ەلوردادا ەمەس بولۋى دا مٷمكٸن. ولار اۋرۋدى وبلىسقا ورالعان سوڭ جۇقتىرعان بولۋى مٷمكٸن. كارانتين نە ٷشٸن كەرەكتٸگٸنە وسى جاعداي مىسال بولا الادى. تەرگەۋ جۇمىستارى اياقتالعان سوڭ رەسمي اقپاراتتى بەرەتٸن بولامىز», - دەيدٸ ول.
بۇعان دەيٸن قوستانايدى كوروناۆيرۋستان بٸر ادام قايتىس بولعانى تۋرالى جازعان بولاتىنبىز. ول جەتٸقارا قالاسىنىڭ 1945 جىلى تۋعان تۇرعىنى بولعان.
