فوتو: اشىق دەرەككٶز
سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ ٷكٸمەت وتىرىسىندا استانا ٸرگەسٸندەگٸ ٷش ەلدٸ مەكەنگە نۇرا ٶزەنٸنەن تاسقىن قاۋپٸ تٶنٸپ تۇرعانىن باياندادى, - دەپ حابارلايدى «ۇلت اقپارات» Kazinform-عا سٸلتەمە جاساپ.
«استانا سۋ قويماسىنا 26-30 ناۋرىز ارالىعىندا 150 ملن تەكشە مەتر سۋ تٷستٸ. ياعني, سۋ ورتاشا كٶپ جىلدىق تٷسٸمنەن ەدەۋٸر اسىپ تٷستٸ. استانا سۋ قويماسىنان سۋدىڭ تٶگٸلۋٸن بولدىرماۋ ٷشٸن 29 ناۋرىزدا ەسٸل ٶزەنٸنٸڭ ارناسىن جۋۋ ٷشٸن تٶمەنگٸ بەفكە سۋ جٸبەرٸلدٸ. قاراعاندى وبلىسىندا ورنالاسقان سامارقاند سۋ قويماسى بٷگٸنگٸ تاڭدا 100% تولعان. ۇلىتاۋ وبلىسىندا ورنالاسقان شەرۋباي–نۇرا سۋ قويمالارى بٷگٸنگٸ تاڭدا 96% تولعان. سامارقاند جەنە شەرۋباي–نۇرا سۋ قويمالارىنان تاستالعان جەنە تٶمەن جاعىنان قوسىلاتىن بٷيٸرلٸك اعىندارىن ەسەپدەگەندە نۇرا ٶزەنٸ ارقىلى پرەوبراجەنسك سۋ تورابىنا شامامەن 4 سەۋٸر ايىنا 2500 م3/سەك سۋ اعىنى كٷتٸلۋدە. ٶز كەزەگٸندە قوشقارباەۆ, قوسشى, تايتٶبە ەلدٸ مەنكەندەرٸن سۋ باسۋ قاۋپٸ تٶنٸپ تۇر. وسىعان بايلانىستى جەرگٸلٸكتٸ اتقارۋشى ورگاندار تيٸستٸ شارالاردى قامتاماسىز ەتۋ كەرەك», - دەدٸ مينيستر.
ۆەدومستۆو باسشىسى ۇلىتاۋ وبلىسىنداعى كەڭگٸر سۋ قويماسىنا تولعان سۋدى سارىسۋ ٶزەنٸ ارقىلى قىزىلوردا وبلىسىنىڭ اۋماعىندا ورنالاسقان تەلٸكٶل كٶلٸنە جٸبەرٸلٸپ جاتقانىن ايتتى.
