Foto: Ashyq derekkóz
Sý resýrstary jáne irrigatsiia ministri Nurjan Nurjigitov Úkimet otyrysynda Astana irgesindegi úsh eldi mekenge Nura ózeninen tasqyn qaýpi tónip turǵanyn baiandady, - dep habarlaidy «Ult aqparat» Kazinform-ǵa silteme jasap.
«Astana sý qoimasyna 26-30 naýryz aralyǵynda 150 mln tekshe metr sý tústi. Iaǵni, sý ortasha kóp jyldyq túsimnen edáýir asyp tústi. Astana sý qoimasynan sýdyń tógilýin boldyrmaý úshin 29 naýryzda Esil ózeniniń arnasyn jýý úshin tómengi befke sý jiberildi. Qaraǵandy oblysynda ornalasqan Samarqand sý qoimasy búgingi tańda 100% tolǵan. Ulytaý oblysynda ornalasqan Sherýbai–Nura sý qoimalary búgingi tańda 96% tolǵan. Samarqand jáne Sherýbai–Nura sý qoimalarynan tastalǵan jáne tómen jaǵynan qosylatyn búiirlik aǵyndaryn esepdegende Nura ózeni arqyly Preobrajensk sý torabyna shamamen 4 sáýir aiyna 2500 m3/sek sý aǵyny kútilýde. Óz kezeginde Qoshqarbaev, Qosshy, Taitóbe eldi menkenderin sý basý qaýpi tónip tur. Osyǵan bailanysty jergilikti atqarýshy organdar tiisti sharalardy qamtamasyz etý kerek», - dedi ministr.
Vedomstvo basshysy Ulytaý oblysyndaǵy Keńgir sý qoimasyna tolǵan sýdy Sarysý ózeni arqyly Qyzylorda oblysynyń aýmaǵynda ornalasqan Telikól kóline jiberilip jatqanyn aitty.
