پرەزيدەنتتٸككە ٶز كانديداتۋراسىن ۇسىنىپ, قازاقستاندىقتاردىڭ 16,23%-ٸنٸڭ داۋسىن جيناعان ەمٸرجان قوسانوۆ سايلاۋ قورىتىندىسى مەن ٶزٸنٸڭ الداعى جوسپارى تۋرالى ايتتى.
"وپپوزيتسييا ٶزگەرۋٸ تيٸس"
ول ەڭ الدىمەن, ٶزٸنە قولداۋ كٶرسەتكەن سايلاۋشىلارعا العىسىن بٸلدٸرگەن.
"مەنٸ قولداپ سايلاۋشىلاردىڭ 16 پروتسەنتٸ داۋىس بەردٸ, ول - بٸر جارىم ميلليون قازاقستاندىق دەگەن سٶز. قازاقستان وپپوزيتسيياسىنىڭ بٸردە-بٸر ٶكٸلٸ (تۇتاس پارتييالار مەن قوزعالىستاردى قوسقاندا) وسىعان دەيٸن بولعان پرەزيدەنتتٸك جەنە پارلامەنتتٸك سايلاۋدا دەل وسىنداي كٶرسەتكٸشكە قول جەتكٸزە المادى. بۇل بٸزدٸڭ بارشامىزدىڭ ورتاق جەتٸستٸگٸمٸز", - دەدٸ قوسانوۆ ٶزٸنٸڭ Facebook-تەگٸ رەسمي پاراقشاسىندا.
سونداي-اق, ول ٶزٸنٸڭ سايلاۋ كەزٸندە ۇسىنعان باعدارلاماسىنان باس تارتپايتىنىن جازعان. دەموكراتييالىق قۇندىلىقتاردى قورعاپ, قوعام مەن بيلٸك اراسىنداعى ديالوگ ورناتۋعا بارىن سالاتىنىن ايتقان.
"بٸز ەردايىم بيلٸك ٶزگەرۋٸ كەرەك دەيمٸز. مەنٸڭ ويىمشا, وپپوزيتسييا دا ٶزگەرۋٸ تيٸس. ونىڭ قۇرامىنا ەنەتٸن ادامدار باعدارلامالارى مەن الداعى ٸس-ەرەكەتتەرٸن ايقىنداپ الۋى تيٸس. دەموكراتييالىق كٷشتەر اراسىنداعى ٶزٸنٸڭ ورنىن تابۋى كەرەك " , - دەدٸ ول.
قوسانوۆ ٶزٸنٸڭ الداعى جوسپارىمەن دە بٶلٸستٸ. قوعامنىڭ باسىم بٶلٸگٸ ونى قولدايتىنىنا سەنٸم بٸلدٸرگەن.
"مەنٸڭ ەندٸگٸ ميسسييام – دەموكراتييالىق پرينتسيپتەردٸ تاباندى دا تەگەۋرٸندٸ قورعاپ وتىرىپ, بيلٸك ٷشٸن زاڭ اياسىندا كٷرەسەتٸن قوعام بەلسەندٸلەرٸنٸڭ جاڭا تولقىنىنا, جاڭا وپپوزيتسيياعا ينستيتۋتتىق سيپات بەرۋ. ٶيتكەنٸ, جاڭاشا جاعدايدا وپپوزيتسييالىق كٶڭٸل-كٷيلەر سايلاۋ بارىسىندا لەگيتيمدەندٸ, قوعامداعى ەكٸنشٸ كٷشكە اينالدى!", - دەپ جازادى قوسانوۆ.
قوسانوۆتىڭ ەكزيت-پۋلدان كەيٸن بەرگەن سۇقباتىنا قاتىستى بٸراز سىن ايتىلعان بولاتىن. ول وسى جايتتى تٷسٸندٸرٸپ ٶتتٸ.
"سايلاۋ الدىندا بيلٸك ٶز زەرتتەۋلەرٸندە ماعان 5 جەنە 7,9 پايىز بەرەتٸندەي سىڭاي تانىتقانىن ٶزدەرٸڭٸز بٸلەسٸزدەر. ونداي بولجاۋلاردى بٸز سىنادىق, قابىلدامادىق.
سوندىقتان دا داۋىس بەرۋ بارىسىنداعى ەكزيت-پۋل كەزٸندە 15,9 پايىز جارييالانعانىن ٶز باسىم وڭ نەتيجە دەپ ساناپ, سونداي كوممەنتاريي بەرگەنٸم راس. ونىڭ ٷستٸنە ەدەتتە ەكزيت-پۋل مەن رەسمي نەتيجەنٸڭ اراسى الشاق بولمايدى ەمەس پە?", - دەدٸ ول.
ٶز جازباسىندا قوسانوۆ تۇرعىنداردى زاڭسىز نارازىلىق اكتسييالارىنا شاقىرمايتىنىن ايتتى. سايلاۋدان كەيٸن دەنساۋلىعى سىر بەرٸپ, اۋرۋحاناعا تٷسكەنٸن دە جازعان.
پرەزيدەنت سايلاۋى - 2019
ەسكە سالا كەتسەك, 9 ماۋسىم كٷنٸ بولعان كەزەكتەن تىس سايلاۋعا جەتٸ ٷمٸتكەر ٶز كانديداتۋراسىن ۇسىندى.
سايلاۋشىلاردىڭ باسىم بٶلٸگٸنٸڭ سەنٸمٸنە يە بولعان قاسىم-جومارت توقاەۆ قازاقستان پرەزيدەنتٸ بولىپ سايلاندى. ەكٸنشٸ ورىنعا "ۇلت تاعدىرى" قوزعالىسى اتىنان سايلاۋعا تٷسكەن ەمٸرجان قوسانوۆ, ال ٷشٸنشٸ ورىنعا "اق جول" دەموكراتييالىق پارتيياسىنىڭ كانديداتى, جالعىز ەيەل ٷمٸتكەر دانييا ەسپاەۆا جايعاستى.
-
قاسىم-جومارت توقاەۆ - 70,96%
-
ەمٸرجان قوسانوۆ - 16,23%
-
دانييا ەسپاەۆا -5,05 %
-
تٶلەۋتاي راقىمبەكوۆ - 3,04%
-
امانگەلدٸ تاسپيحوۆ -1,98 %
-
جامبىل احمەتبەكوۆ -1,82%
-
سەدٸبەك تٷگەل - 0,92%.
