شىمكەنتتە «دەنە شىنىقتىرۋ جەنە سپورت» باسقارماسىنىڭ باستىعى ولەگ پوچيۆالوۆتىڭ ارىزى ەل-فارابي اۋداندىق سوتىندا قارالدى. اتالعان سوتتىڭ سۋدياسى نۇرعالي يسمايلوۆ باسقارما باسشىسىنىڭ رەسەي فەدەراتسيياسىنىڭ ازاماتى ەكەنٸ تولىق دەلەلٸن تاپقانىن ايتىپ, ونىڭ تالاپ ارىزىن قاناعاتتاندىرۋسىز قالدىردى, دەپ حابارلايدى "ۇلت اقپارات".
سۋديا, تٸپتٸ, شەنەۋنٸك پوچيۆالوۆتىڭ سوتقا دەلەل رەتٸندە قانداي دا بٸر قۇجات ۇسىنباعانىن جەتكٸزدٸ.
«پوچيۆالوۆقا قاتىستى ازاماتتىق ٸستٸ قاراۋ بارىسىندا ونىڭ رەسەي فەدەراتسيياسىنىڭ ازاماتتىعىن العانى تولىق ٶز دەلەلٸن تاپتى. بۇل ۇقك-نٸڭ شىمكەنت قالاسى بويىنشا دەپارتامەنتٸنٸڭ جەنە دە رەسەي فەدەراتسيياسىنىڭ ٸشكٸ ٸستەر مينيسترلٸگٸنٸڭ جاۋاپتارىمەن دەلەلدەندٸ. سول سەبەپتٸ قالالىق پوليتسييا دەپارتامەنتٸنٸڭ ەرەكەتٸ زاڭدى دەپ سوتپەن شەشٸم قابىلداندى. سوت شەشٸمٸ بٸر ايدان سوڭ عانا كٷشٸنە ەنەدٸ», - دەدٸ سۋديا نۇرعالي يسمايلوۆ.
ايتا كەتەيٸك, شىمكەنتتٸك شەنەۋنٸك بۇعان دەيٸن ٶزٸندە قوس ەلدٸڭ ازاماتتىعى بار دەپ اقپارات تاراتقان پوليتسييانىڭ حابارلاماسى جالعان ەكەنٸن حابارلاعان بولاتىن. سٶيتٸپ پوليتسييانىڭ ەرەكەتٸن زاڭسىز دەپ تانۋ ٷشٸن سوتقا تالاپ ارىز تٷسٸرگەن.
«2005 جىلى پوچيۆالوۆ رەسەي فەدەراتسيياسىنىڭ ازاماتتىعىن العان, 2007 جىلى پاسپورتىن العان. سول قۇجاتتاردىڭ بارلىعى رەسەي فەدەراتسيياسى ٸشكٸ ٸستەر مينيسترلٸگٸنٸڭ حاتتارىمەن ٶز دەلەلٸن تاپتى. ەكٸ ازاماتتىقتىڭ انىقتالۋىنا بايلانىستى پوچيۆالوۆقا قاتىستى قر-نىڭ ازاماتتىعىنان ايىرۋ جٶنٸندە مەسەلە قويىلعان», - دەدٸ سۋديا.
ەسكە سالايىق, سوڭعى كەزدە لاۋازىمدى تۇلعانىڭ قازاقستاننىڭ عانا ەمەس, رەسەي ازاماتى ەكەنٸ دە ەلەۋمەتتٸك جەلٸدە كەڭٸنەن تاراعان. بٸراق پوچيۆالوۆتىڭ ٶزٸ مۇنىڭ بەرٸ "ەلدەكٸمدەردٸڭ ۇيىمداستىرعانى" دەپ جاۋاپ بەرٸپ ەدٸ.
