قر بٸلٸم جەنە عىلىم بٸرٸنشٸ ۆيتسە-مينيسترٸ شولپان كارينوۆا تٷركٸستاندا مەكتەپ دەرەتحاناسىنداعى تٶبەلەستەن كەيٸن وقۋشىنىڭ كٶز جۇمعانى تۋرالى پٸكٸر بٸلدٸردٸ, دەپ حابارلايدى قازاقپارات.
«سٶزسٸز, بالانىڭ ٶلٸمٸ – ٶتە ٷلكەن تراگەدييا. بۇل جاعداي بەلگٸلٸ بولعان سوڭ, بٸردەن بالالاردىڭ قۇقىقتارىن قورعاۋ كوميتەتٸنٸڭ ٶكٸلدەرٸ تٷركٸستان وبلىسىنا اتتاندى. قازٸر دە ولار سوندا جۇمىس ٸستەپ جاتىر. بۇل فاكتٸ بويىنشا تيٸستٸ ورگاندار تەرگەۋ شارالارىن جٷرگٸزۋدە. قورىتىندىسى بويىنشا بٸز دە حابارلايتىن بولامىز.
مەنٸڭ ويىمشا, قورىتىندى جاساۋعا اسىعۋدىڭ قاجەتٸ جوق. مۇندا تيٸستٸ ورگاندار تيٸستٸ جۇمىستاردى اياقتاۋى كەرەك. سوندا عانا شەشٸم قابىلدانادى. وقۋشىلار اراسىنداعى الىم-سالىق تۋرالى پٸكٸرلەرگە كەلسەك, بٸز, بٸلٸم مينيسترلٸگٸ, اتا-انا تاراپىنان دا, مەكتەپ ٸشٸندە دە الىم-سالىققا جول بەرمەۋ كەرەكتٸگٸن ايتامىز. مۇنداي فاكتٸلەر تٷبەگەيلٸ بولماۋى كەرەك, ەر فاكتٸنٸ جەكە قاراستىرىپ, ەڭ قاتاڭ شارالار قابىلدانۋى كەرەك», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ەسكە سالا كەتسەك, 15 قازاندا تٷركٸستاندا مەكتەپ دەرەتحاناسىنداعى تٶبەلەستەن كەيٸن 5-سىنىپ وقۋشىسىنىڭ كٶز جۇمعانى حابارلاندى.
قازا تاپقان وقۋشىنىڭ ەجەسٸ باق ٶكٸلدەرٸنە بەرگەن سۇحباتىندا نەمەرەسٸ مەكتەپ دەرەتحاناسىندا سوققىعا جىعىلعانىن, ال دەرٸگەرلەر بالانىڭ باسىندا اۋىر جاراقات بولعانىن ايتادى.
