QR Bilim jáne ǵylym birinshi vitse-ministri Sholpan Karinova Túrkistanda mektep dárethanasyndaǵy tóbelesten keiin oqýshynyń kóz jumǵany týraly pikir bildirdi, dep habarlaidy QazAqparat.
«Sózsiz, balanyń ólimi – óte úlken tragediia. Bul jaǵdai belgili bolǵan soń, birden Balalardyń quqyqtaryn qorǵaý komitetiniń ókilderi Túrkistan oblysyna attandy. Qazir de olar sonda jumys istep jatyr. Bul fakti boiynsha tiisti organdar tergeý sharalaryn júrgizýde. Qorytyndysy boiynsha biz de habarlaityn bolamyz.
Meniń oiymsha, qorytyndy jasaýǵa asyǵýdyń qajeti joq. Munda tiisti organdar tiisti jumystardy aiaqtaýy kerek. Sonda ǵana sheshim qabyldanady. Oqýshylar arasyndaǵy alym-salyq týraly pikirlerge kelsek, biz, Bilim ministrligi, ata-ana tarapynan da, mektep ishinde de alym-salyqqa jol bermeý kerektigin aitamyz. Mundai faktiler túbegeili bolmaýy kerek, ár faktini jeke qarastyryp, eń qatań sharalar qabyldanýy kerek», - dedi vitse-ministr Ortalyq kommýnikatsiialar qyzmetinde ótken baspasóz máslihatynda.
Eske sala ketsek, 15 qazanda Túrkistanda mektep dárethanasyndaǵy tóbelesten keiin 5-synyp oqýshysynyń kóz jumǵany habarlandy.
Qaza tapqan oqýshynyń ájesi BAQ ókilderine bergen suhbatynda nemeresi mektep dárethanasynda soqqyǵa jyǵylǵanyn, al dárigerler balanyń basynda aýyr jaraqat bolǵanyn aitady.
