پرەمەر-مينيستر اسقار مامين ٶڭٸرلەردٸڭ بەرٸندە كوروناۆيرۋسقا قارسى ەگۋ شارالارىن قامتاماسىز ەتۋدٸ تاپسىردى, دەپ حابارلايدى قازاقپارات.
«جالپى ەپيدەميولوگييالىق جاعداي جاقسارىپ كەلەدٸ. بارلىق ٶڭٸردە ۆيرۋس جۇقتىرۋ دەڭگەيٸ, اۋىر جاعدايداعى ناۋقاستاردىڭ, ستاتسيونارلىق جەنە امبۋلاتورييادا ەم الىپ جٷرگەندەردٸڭ سانى ازايدى. الماتى جەنە نۇر-سۇلتان قالالارى «قىزىل» ايماقتان شىقتى. قازٸر وندا تاعى تٶرت ٶڭٸر قالدى. «سارى» ايماقتا – 4, «جاسىل» ايماقتا – 9 وبلىس بار. دەگەنمەن كٶرشٸ ەلدەردەگٸ جاعدايدى دا ەسكەرۋ كەرەك. بارلىق ٶڭٸرلەردە شەكتەۋ شارالارىن قامتاماسىز ەتۋ قاجەت. مونيتورينگ توپتارى كٷشەيتٸلگەن رەجيمدە جۇمىس ٸستەۋگە تيٸس», - دەدٸ ول ٷكٸمەت وتىرىسىندا.
سونداي-اق, پرەمەر-مينيستر ۆاكتسينالاۋ قارقىنى ايتارلىقتاي جاقسارا قويماعانىن اتادى.
«قازٸرگٸ ۋاقىتتا 8,3 ميلليوننان استام ادام ەكپەنٸڭ بٸرٸنشٸ كومپونەنتٸن, 8,5 ميلليوننان استام ادام ەكٸنشٸ كومپونەنتٸن الدى. ەلوردا, سولتٷستٸك قازاقستان, ماڭعىستاۋ, قوستاناي, اقمولا, باتىس قازاقستان وبلىستارى قارقىندى كٷشەيتسٸن.
ەكٸمدٸكتەر مەن دەنساۋلىق مينيسترلٸگٸ ەمدەۋ مەكەمەلەرٸنٸڭ قويمالارىنداعى دەرٸلٸك پرەپاراتتار مەن بۇيىمدارعا تەكسەرۋ جٷرگٸزٸپ, ولاردىڭ قاجەتتٸ كٶلەمٸن تولىق قامتاماسىز ەتسٸن», - دەدٸ اسقار مامين.
