Premer-Ministr Asqar Mamin óńirlerdiń bárinde koronavirýsqa qarsy egý sharalaryn qamtamasyz etýdi tapsyrdy, dep habarlaidy QazAqparat.
«Jalpy epidemiologiialyq jaǵdai jaqsaryp keledi. Barlyq óńirde virýs juqtyrý deńgeii, aýyr jaǵdaidaǵy naýqastardyń, statsionarlyq jáne ambýlatoriiada em alyp júrgenderdiń sany azaidy. Almaty jáne Nur-Sultan qalalary «qyzyl» aimaqtan shyqty. Qazir onda taǵy tórt óńir qaldy. «Sary» aimaqta – 4, «jasyl» aimaqta – 9 oblys bar. Degenmen kórshi elderdegi jaǵdaidy da eskerý kerek. Barlyq óńirlerde shekteý sharalaryn qamtamasyz etý qajet. Monitoring toptary kúsheitilgen rejimde jumys isteýge tiis», - dedi ol Úkimet otyrysynda.
Sondai-aq, Premer-Ministr vaktsinalaý qarqyny aitarlyqtai jaqsara qoimaǵanyn atady.
«Qazirgi ýaqytta 8,3 millionnan astam adam ekpeniń birinshi komponentin, 8,5 millionnan astam adam ekinshi komponentin aldy. Elorda, Soltústik Qazaqstan, Mańǵystaý, Qostanai, Aqmola, Batys Qazaqstan oblystary qarqyndy kúsheitsin.
Ákimdikter men densaýlyq ministrligi emdeý mekemeleriniń qoimalaryndaǵy dárilik preparattar men buiymdarǵa tekserý júrgizip, olardyń qajetti kólemin tolyq qamtamasyz etsin», - dedi Asqar Mamin.
