اقوردادا قازاقستان پرەزيدەنتٸ نۇرسۇلتان نازارباەۆ ەلٸمٸزدە تٸركەلگەن شەتەلدٸك ديپلوماتييالىق كورپۋس ٶكٸلدەرٸمەن كەزدەستٸ.
«بيىلعى جىلدىڭ ناۋرىز ايىندا استانادا ٶتكەن ورتالىق ازييا مەملەكەتتەرٸ باسشىلارىنىڭ بٸرٸنشٸ كونسۋلتاتيۆتٸك كەزدەسۋٸنەن كەيٸن ٶڭٸرارالىق ىقپالداستىق ەدەۋٸر جانداندى. ايماقتاعى ەلدەردٸڭ بارلىق پرەزيدەنتتەرٸ قىسقا مەرزٸم ٸشٸندە ٶزارا ساپارلار الماسىپ, كەزدەسۋلەر ٶتكٸزدٸ. قازٸرگٸ تاڭدا مەملەكەتتەر اراسىندا ەكٸجاقتى ساۋدا ٸسٸنە قاتىستى كەدەرگٸلەردٸڭ بەرٸ جويىلدى. ٶزبەكستان مەملەكەتٸ كەيٸنگٸ كەزدە ٶز كٶرشٸلەرٸمەن كٶپتەن بەرٸ رەتتەلمەي كەلگەن شەكارا مەسەلەسٸن شەشتٸ. شيەلەنٸسٸپ كەتكەن جاعداي تەجٸكستانمەن بولعان. ول مەسەلە شەشٸلدٸ. قىرعىزستانمەن اراداعى مەسەلە دە شەشٸمٸن تاپتى. ولاردىڭ رەتتەلمەي كەلە جاتقان شەكارا مەسەلەسٸ دە شەشٸلٸپ, قارىم-قاتىناس جاندانىپ, جالپى بٸزدٸڭ ورتالىق ازيياداعى ەل-احۋال تٷزەلٸپ, ساۋدا-ساتتىق جىلدان-جىلعا ٶسٸپ كەلەدٸ. كٶرشٸ ەلدەر اراسىندا سەنٸم ارتتى, ساۋدا كٶلەمٸ كٶبەيدٸ. قارىم-قاتىناستىڭ بارلىعى جاقساردى دەپ ايتۋعا بولادى. كٶلٸك قاتىناسى وڭتايلانىپ, جاڭا ەۋە, تەمٸر جول باعىتتارى اشىلدى. جٷيەلٸ تٷردە بيزنەس جەنە ٶڭٸرارالىق فورۋمدار ٶتكٸزٸلٸپ, بٸرٸككەن ساۋدا ٷيلەرٸ مەن جاڭا ٶندٸرٸس ورىندارى ٸسكە قوسىلۋدا. بٸر جىلدىڭ ٸشٸندە عانا قازاقستان مەن ٶزبەكستان اراسىنداعى ساۋدا اۋقىمى 2 ەسە كٶبەيٸپ, 3 ملرد دوللارعا جەتتٸ. جاقىن ارادا 5 ملرد دوللارعا جەتكٸزەمٸز دەگەن ماقسات قويىپ وتىرمىز», - دەدٸ نازارباەۆ جيىندا.
ەلباسى ورتالىق ازييا ەلدەرٸ اراسىندا شەكارا مەسەلەسٸنە قاتىستى جۇمىستار بەلسەندٸ جٷرگٸزٸلگەنٸن ايتتى. اتاپ ايتقاندا, ٶتكەن جىلى قازاقستان تٷرٸكمەنستانمەن, قىرعىزستانمەن مەملەكەتتٸك شەكارانى دەماركاتسييالاۋ جٶنٸندەگٸ كەلٸسٸمگە قول قويىپ, وسى ەلدەرمەن اراداعى شەكارانى رەسٸمدەۋ جۇمىستارىن تٷگەلدەي اياقتايتىن بولادى. سونىمەن, قازاقستاننىڭ تٶڭٸرەگٸندەگٸ بارلىق شەكارالار قۇقىقتىق جٶنٸنەن ٶز شەشٸمٸن تاۋىپ وتىر. سونداي-اق, 2017 جىلى قازاقستان, تٷرٸكمەنستان, ٶزبەكستان شەكارالارىنىڭ تٷيٸسۋ نٷكتەسٸ جٶنٸندەگٸ دە شارت جاسالدى.
«جاقىندا بٸز قۇجاتتى راتيفيكاتسييالادىق. بۇعان قوسا, استاناداعى جيىننىڭ قورىتىندىسى بويىنشا ورتالىق ازييا مەملەكەتتەرٸ باسشىلارىنىڭ كەزدەسۋٸن تۇراقتى تٷردە ٶتكٸزۋ تۋرالى شەشٸم قابىلداندى. ەندٸگٸ جىلى سەۋٸر ايىندا بۇل كەزدەسۋ تاشكەنتتە ٶتەدٸ. سودان كەيٸن جىل سايىن كەزدەسۋ بولىپ تۇرادى دەپ كەلٸستٸك», - دەدٸ نۇرسۇلتان نازارباەۆ.
