كوروناۆيرۋستىڭ تٶرتٸنشٸ تولقىنى ەلٸ اياقتالعان جوق. بۇل تۋرالى ونلاين بريفينگ بارىسىندا س. اسفەنديياروۆ اتىنداعى قازۇمۋ العاشقى مەديتسينالىق-سانيتارلىق كٶمەك بٶلٸمٸنٸڭ مەڭگەرۋشٸسٸ دينارا ماحانبەتقۇلوۆا مەلٸم ەتتٸ, دەپ حابارلايدى قازاقپارات.
«تٶرتٸنشٸ تولقىن ەلٸ اياقتالعان جوق. انتيدەنەلەردٸڭ جوعارى تيترٸ بولعان جاعدايدا ۇجىمدىق يممۋنيتەت قالىپتاسپايىنشا, ەپيدەميولوگييالىق احۋال جاقسارمايدى», - دەدٸ دينارا ماحانبەتقۇلوۆا.
سپيكەردٸڭ سٶزٸنشە, ۆاكتسينا قازٸرگٸ ۋاقىتتا تارالىپ جاتقان كوروناۆيرۋستىڭ بارلىق شتاممدارىنان قورعانۋعا كٶمەكتەسەدٸ. سونىمەن قاتار, ۆيرۋسقا قارسى ەرٸ تۇراقتى يممۋنيتەت پايدا بولادى.
«اۋرۋدان كەيٸن قالىپتاساتىن تابيعي يممۋنيتەتتٸڭ كٷشٸ ادامداردا ەرتٷرلٸ. تابيعي يممۋنيتەت ۇزاق ساقتالماۋى مٷمكٸن. ۆاكتسيناتسييا ارقىلى يممۋنيتەتتٸڭ دامۋى ونىڭ تابيعي پايدا بولۋىنا قاراعاندا از تەۋەكەلگە يە, ٶيتكەنٸ COVID-19 جۇقتىرعان كەزدە سيمپتومداردىڭ اۋىرلىعىن بولجاۋ مٷمكٸن ەمەس», - دەيدٸ ول.
س.د. اسفەنديياروۆا اتىنداعى قازۇمۋ العاشقى مەديتسينالىق-سانيتارلىق كٶمەك كافەدراسىنىڭ مەڭگەرۋشٸسٸ كوروناۆيرۋس جاعدايىندا بٸلٸكتٸ مەديتسينالىق كٶمەككە دەر كەزٸندە جٷگٸنۋ ٶتە ماڭىزدى ەكەنٸن ايتتى.
« كوروناۆيرۋس ينفەكتسيياسىنىڭ بەلگٸلەرٸ تۋرالى ايتاتىن بولساق, جوعارى تەمپەراتۋرا, ەنتٸگۋ, تٷشكٸرۋ, جٶتەل مەن مۇرىننىڭ بٸتەلۋٸ, بۇلشىقەت پەن كەۋدە تۇسىنىڭ اۋىرۋى, باس اۋرۋى مەن ەلسٸزدٸك. جاقىندا جوعارىدا اتالعان بەلگٸلەر جٷرەك اينۋى, قۇسۋ جەنە ديارەيا سيياقتى بەلگٸلەرمەن تولىقتى», - دەيدٸ دەرٸگەر.
