قازاقستاندا قاتاڭ شەكتەۋ شارالارى ەنگٸزٸلگەننەن باستاپ, كوروناۆيرۋسپەن سىرتقاتتانۋدىڭ تەۋلٸكتٸك ٶسٸمٸ 0,5 پايىزعا دەيٸن تٶمەندەدٸ. بۇل تۋرالى قر باس مەملەكەتتٸك سانيتار دەرٸگەرٸ ايجان ەسماعامبەتوۆا ايتتى, دەپ حابارلايدى "ۇلت اقپارات".
«قازٸرگٸ كەزدە كوروناۆيرۋس ينفەكتسيياسى بويىنشا ەپيدەميولوگييالىق جاعدايدىڭ تۇراقتانۋ ٷردٸسٸ بايقالۋدا. بيىلعى 14 تامىزداعى مەلٸمەت بويىنشا, قازاقستاندا پتر وڭ نەتيجە كٶرسەتكەن كوروناۆيرۋس ينفەكتسيياسىنىڭ 101 848 جاعدايى تٸركەلدٸ», - دەدٸ ول بٷگٸن ورتالىق كوممۋنيكاتسييالار قىزمەتٸندە.
وسى ورايدا ەسماعامبەتوۆا بٸر تەۋلٸكتە 476 ادام كوروناۆيرۋس ٸندەتٸمەن اۋىرعانى بەلگٸلٸ بولعانىن ايتتى.
سونىمەن قاتار, ٶتكەن تەۋلٸكتە كوروناۆيرۋس ينفەكتسيياسىنىڭ بەلگٸلەرٸ بار پنەۆمونييانىڭ 934 جاعدايى تٸركەلدٸ.
«قاتاڭ شەكتەۋ شارالارى ەنگٸزٸلگەننەن باستاپ سىرتقاتتانۋشىلىقتىڭ تەۋلٸكتٸك ٶسٸمٸ 0,5 پايىزعا دەيٸن تٶمەندەدٸ. تٸركەلگەن Covid-19 جاعدايلارىنىڭ جالپى سانىنىڭ 77 پايىزدان استامى ەمدەلٸپ, كٷندەلٸكتٸ ٶمٸرگە ورالدى», - دەدٸ قر باس مەملەكەتتٸك سانيتار دەرٸگەرٸ.
بۇدان بۇرىن حابارلانعانداي, 13 تامىزدا قر پرەمەر-مينيسترٸ اسقار ماميننٸڭ تٶراعالىعىمەن ٶتكەن مەملەكەتتٸك كوميسسييا وتىرىسىندا قالىپتاسقان ەپيدەميولوگييالىق جاعدايدى ەسكەرە وتىرىپ, كارانتين شارالارىن كەزەڭ-كەزەڭٸمەن الىپ تاستاۋ جوسپارى بەكٸتٸلدٸ.
