ٶسكەمەندە كوروناۆيرۋس جۇقتىرعان ازاماتشانىڭ جٷرەگٸن دەرٸگەرلەر 2 رەت قايتا سوقتىرعانىمەن, ٷشٸنشٸسٸندە قايتىس بولدى. بۇل تۋرالى بٷگٸن «حابار 24» تەلەارناسىنان شىعىس قازاقستان وبلىستىق دەنساۋلىق ساقتاۋ باسقارماسىنىڭ باسشىسى ٸليياس مۇحامەدجان ايتتى, دەپ حابارلايدى "ۇلت اقپارات".
«بٷگٸن شىعىس قازاقستان وبلىسىندا كوروناۆيرۋس ٸندەتٸنەن بٸر ادام كٶز جۇمدى. ٶكٸنٸشكە قاراي, بۇل جاعداي ٶسكەمەن قالاسىندا تٸركەلدٸ. ول 1979 جىلى دٷنيەگە كەلگەن ەيەل. 12 سەۋٸر كٷنٸ جەدەل جەردەم بريگاداسىمەن ارنايى پروۆيزورلىق ستاتسيونارعا جەتكٸزٸلگەن. ول جەردە ارنايى پتر-دياگنوستيكاسى ٶتكٸزٸلٸپ, ۆيرۋستىق ٸندەت راستالدى. ناۋقاس تٷسكەن كەزدە جاعدايى اۋىر بولدى. دياگنوز راستالعاننان كەيٸن ازاماتشا ارنايى ينفەكتسييالىق بوكسقا, قارقىندى ەمدەۋ پالاتاسىنا اۋىستىرىلدى. تٷسكەن كەزدەگٸ جاعدايى ٶتە اۋىر», - دەدٸ ول.
ونىڭ دەرەگٸنشە, ناۋقاس ەكٸجاقتى پنەۆمونييا, سول جاقتى پلەۆريت, جٸتٸ رەسپيراتورلىق ديسترەسس-سيندروم, سونىمەن قاتار اۋىر الكوگولدٸك ينتوكسيكاتسييا دياگنوزىمەن تٷسكەن.
«ناۋقاستىڭ ٶمٸرٸن ساقتاۋ ٷشٸن بارلىق دەرٸگەر-رەانيماتولوگتار ٶزدەرٸنٸڭ قۇرال-جابدىقتارىمەن, كەرەكتٸ اپپاراتتارىمەن كٶمەك كٶرسەتتٸ. ازاماتشا ٶكپەنٸ جاساندى جەلدەتۋ اپپاراتىنا قوسىلعان بولاتىن. تٷنٸ بويى ەكٸ مەرتە جٷرەگٸ توقتاعان. رەانيماتسييالىق ٸس-شارالاردىڭ نەتيجەسٸ وڭ بولدى. ٷشٸنشٸ مەرتە جٷرەگٸ توقتاعان كەزدە رەانيماتسييالىق ەرەكەتتەر نەتيجە بەرمەدٸ. جٷرەك قىزمەتٸن قايتادان قالپىنا كەلتٸرۋ ٷشٸن ەرٸپتەستەرٸمٸز بارلىق كٷش-جٸگەرٸن سالدى. بٸراق, ٶكٸنٸشكە قاراي, ول ٶمٸردەن ٶتتٸ. ناۋقاستىڭ تۋعان-تۋىستارى مەن جاقىندارىنا قايعىرا كٶڭٸل ايتامىز», - دەدٸ باسقارما باسشىسى.
ٸليياس مۇحامەدجاننىڭ ايتۋىنشا, قايتىس بولعان ەيەلمەن بايلانىستا بولعان 13 ادام انىقتالىپ, وقشاۋلاندىرىلدى. اناليزدەر الىندى.
«قازٸرگٸ تاڭدا كەڭەيتٸلگەن ەپيدەميولوگييالىق ٸس-شارالار ٶتكٸزٸلٸپ جاتىر. تۇرعىلىقتى جەرٸ مەن وشاقتار تولىقتاي زالالسىزداندىرىلدى», - دەدٸ ول.
شىعىس قازاقستان وبلىسىندا كوروناۆيرۋستان بٸر ادام كٶز جۇمعانىن بۇعان دەيٸن جازعان بولاتىنبىز.
