قر دەنساۋلىق ساقتاۋ مينيسترٸ ەلجان بٸرتانوۆ نۇر-سۇلتانعا كەلگەن قىتايلىق دەرٸگەرلەرمەن ونلاين بايلانىس ارقىلى پٸكٸر الماستى, دەپ حابارلايدى قازاقپارات.
«قىتايلىق ەرٸپتەستەرمەن تىعىز بايلانىستا بولدىق. جالپى, ٸندەتپەن كٷرەستە سٸزدەرگە جەنە قازاقستاننىڭ دەرٸگەرلەرٸنە العىس ايتقىم كەلەدٸ. مەديتسينا قىزمەتكەرلەرٸمٸز ەلەمدٸك تەجٸريبەنٸ زەرتتەۋگە اشىق, دٷنيەجٷزٸلٸك دەنساۋلىق ساقتاۋ ۇيىمىمەن دە جۇمىس ٸستەۋدەمٸز. بٷگٸندە عىلىمي مەديتسينا بار, سەيكەسٸنشە, تەك عىلىم نەگٸزٸندە ٷزدٸك تەجٸريبەلەردٸ زەرتتەپ, ەنگٸزۋٸمٸز كەرەك. سوندىقتان قىتايدان كەلگەن دەرٸگەرلەردٸڭ وزىق تەجٸربەلەرٸن زەرتتەۋدٸڭ مٷمكٸندٸگٸ بولدى», - دەدٸ ە. بٸرتانوۆ.
وسى ورايدا مينيستر قحر دەرٸگەرلەرٸنٸڭ تەجٸريبە الماسۋ ٷشٸن كەلگەن ساپارى بۇل سالاداعى ىنتىماقتاستىقتى نىعايتۋعا تىڭ سەرپٸن بەرەتٸنٸن ايتتى. سونىمەن قاتار, ەلٸمٸزدە كوروناۆيرۋسپەن كٷرەس شارالارىنا جۇمىلدىرىلعان دەرٸگەرلەردٸڭ قىتايعا ساپارىن ۇيىمداستىرۋدىڭ ماڭىزدىلىعى اتاپ ٶتٸلدٸ.
بۇل تۇرعىدا ەلجان بٸرتانوۆ بۇل باستامانى ديپلوماتييالىق جولمەن پىسىقتاۋ كەرەكتٸگٸن جەتكٸزدٸ.
«مەنٸڭ ويىمشا, بۇل باعىتتاعى تەجٸريبە الماسۋ شارالارى ٶتە ماڭىزدى بولادى. كوروناۆيرۋسپەن كٷرەستٸ تيٸمدٸ جٷرگٸزۋ ٷشٸن اتالعان ۇسىنىستى پىسىقتاۋدى سۇرايمىن. قاجەت بولعان جاعدايدا, قىتايدىڭ دەنساۋلىق ساقتاۋ مينيسترٸنە تيٸستٸ حاتتى جولداۋعا ەزٸرمٸن», - دەدٸ ۆەدومستۆو باسشىسى.
ونلاين-كونفەرەنتسييا سوڭىندا ە. بٸرتانوۆ قر دەنساۋلىق ساقتاۋ مينيسترلٸگٸ اتىنان ەلٸمٸزدە كوروناۆيرۋس ينفەكتسيياسىمەن كٷرەسۋگە قوسقان زور ٷلەسٸ ٷشٸن قىتايلىق دەلەگاتسيياعا العىس ايتتى. وسى ورايدا كٶرشٸ ەلدٸڭ دەرٸگەرلەرٸ «قر دەنساۋلىق ساقتاۋ ٸسٸنە قوسقان ٷلەسٸ ٷشٸن» تٶسبەلگٸسٸمەن ماراپاتتالدى.
ەستەرٸڭٸزگە سالا كەتەيٸك, 9 سەۋٸر كٷنٸ قىتايدىڭ شىڭجان-ۇيعىر اۆتونومييالىق ٶلكەسٸنەن دەرٸگەرلەر قازاقستان استاناسىنا كەلدٸ.
قىتايدان ارنايى كەلگەن 10 دەرٸگەردٸڭ اراسىندا پۋلمونولوگ, ەپيدەميولوگ ماماندار, قوعامدىق دەنساۋلىق ساقتاۋ ساراپشىلارى بار. 15 كٷندٸك ساپاردا ولار كوروناۆيرۋس ينفەكتسيياسىن جۇقتىرعانداردى دياگنوستيكالاۋ, ەمدەۋ جەنە قوعامدىق دەنساۋلىق ساقتاۋ مەسەلەلەرٸن تالقىلادى.
