قر دەنساۋلىق ساقتاۋ ۆيتسە-مينيسترٸ – باس مەملەكەتتٸك سانيتار دەرٸگەر ەرلان قيياسوۆتىڭ قاۋلىسىمەن كوروناۆيرۋسپەن اۋىرىپ جاتقان ناۋقاستاردىڭ داۋىس بەرۋ الگوريتمٸ بەكٸتٸلدٸ, دەپ حابارلايدى "ۇلت اقپارات".
اتالعان قاۋلىعا سەيكەس, سايلاۋ كوميسسيياسىنىڭ مٷشەسٸ سايلاۋشىلاردان دەنساۋلىق جاعدايى نەمەسە وتباسىنىڭ ناۋقاس مٷشەسٸنە كٷتٸم جاساۋ سەبەبٸمەن كەلگەن جەرٸ بويىنشا داۋىس بەرۋ تۋرالى ٶتٸنٸشتٸ قابىلداي وتىرىپ: ٷيدە ەمدەلۋٸنە نەمەسە كۆي بويىنشا كارانتيندە بولۋىنا بايلانىستى ٶزٸن-ٶزٸ وقشاۋلاۋ رەجيمٸ نۇسقاماسىنىڭ بولۋى تۋرالى اقپاراتتى ناقتىلاۋى; سانيتارييالىق قاۋٸپسٸزدٸك شارالارىنىڭ ساقتالۋىن ەسكەرە وتىرىپ, داۋىس بەرۋ رەسٸمٸن تٷسٸندٸرۋٸ تيٸس.
سايلاۋ ۋچاسكەسٸنەن تىس جەردە داۋىس بەرۋدٸ ۇيىمداستىرۋ ٷشٸن شىعۋدى جٷزەگە اسىراتىن سايلاۋ كوميسسيياسىنىڭ مٷشەلەرٸ جەكە قورعانىش قۇرالدارىمەن (بٸر رەت قولدانىلاتىن حالاتتار, قورعانىش ماسكالارى, بٸر رەت قولدانىلاتىن قولعاپتار, قولعا ارنالعان انتيسەپتيكالىق قۇرالدار) قامتاماسىز ەتٸلەدٸ.
سايلاۋشىلارعا قاجەت بولعان جاعدايدا جەكە قورعانىش قۇرالدارى (بٸر رەت قولدانىلاتىن قورعانىش ماسكاسى, قولعاپ, قالام) بەرٸلەدٸ. سايلاۋشىنىڭ جەكە باسىن كۋەلاندىراتىن قۇجات سايلاۋ كوميسسيياسىنىڭ مٷشەسٸنە وندا كٶرسەتٸلگەن مەلٸمەتتەردٸ قاراۋعا مٷمكٸندٸك بەرەتٸن قاشىقتىقتان ۇسىنىلادى. بۇل رەتتە سايلاۋشى جەكە باسىن راستاۋ ٷشٸن ماسكانى ۋاقىتشا شەشەدٸ.
ٷيدە ەمدەلۋٸنە نەمەسە كۆي بويىنشا كارانتيندە بولۋىنا بايلانىستى ٶزٸن-ٶزٸ وقشاۋلاۋ رەجيمٸندەگٸ سايلاۋشىلارعا شىعۋ كەزٸندە داۋىس بەرۋ پەتەرگە (ٷيگە) كٸرمەي ۇيىمداستىرىلۋى تيٸس. مۇنداي داۋىس بەرۋدٸ بايلانىسسىز تەسٸلمەن, مىسالى, ساتى الاڭىندا (ٷي ماڭىنداعى اۋماقتا) داۋىس بەرۋگە قاتىسۋشىعا داۋىس بەرۋگە ارنالعان بيۋللەتەندٸ جەنە ٷي-جايدان تىس جەردە داۋىس بەرۋ تۋرالى ٶتٸنٸشتٸ بەرۋ, سودان كەيٸن ودان ٶتٸنٸشتٸ الۋ جەنە بيۋللەتەندٸ تاسىمالداناتىن جەشٸككە سالۋ ارقىلى ٶتكٸزۋگە بولادى.
داۋىس بەرۋگە ارنالعان بيۋللەتەندٸ العانعا دەيٸن داۋىس بەرۋگە قاتىسۋشى ماسكا تاعىپ, قولىن انتيسەپتيكپەن ٶڭدەۋٸ تيٸس. جوعارىدا كٶرسەتٸلگەن ەرەكەتتەردەن كەيٸن ۋچاسكەلٸك كوميسسييا مٷشەلەرٸ مٸندەتتٸ تٷردە قولدارىن, تاسىمالداناتىن جەشٸكتٸڭ بەتتەرٸن دەزينفەكتسييالايدى. جەكە قورعانىش قۇرالدارىن قايتا پايدالانۋعا جول بەرٸلمەيدٸ. كٶرسەتٸلگەن جەكە قورعانىش قۇرالدارى تىعىز جابىلاتىن كونتەينەرگە نەمەسە ودان ەرٸ كەدەگە جاراتۋ ٷشٸن باكقا سالىنۋى تيٸس.
ستاتسيونارلىق ەمدەۋ مەكەمەلەردە قۇرىلعان سايلاۋ ۋچاسكەلەرٸندە داۋىس بەرۋدٸ ۇيىمداستىرۋ كارانتيندٸك تالاپتار قاتاڭ ساقتالعان جاعدايدا ٶتكٸزٸلەدٸ.
