يتالييا, گەرمانييا, فرانتسييا جەنە نيدەرلاندى بريتانييالىق دەرٸ شىعاراتىن AstraZeneca Plc كومپانيياسىمەن كوروناۆيرۋسقا قارسى 400 ملن دوزا ەكپەنٸ جەتكٸزۋ جٶنٸندە كەلٸسٸمشارتقا وتىردى. العاشقى جەتكٸزٸلٸم 2020 جىلدىڭ سوڭىنا دەيٸن جاسالادى, دەپ حابارلايدى The Independent باسىلىمى.
فارماتسەۆتيكالىق كومپانييا قازٸرگٸ ۋاقىتتا سىناقتان ٶتكٸزٸلٸپ جاتقان ەكپەنٸ وكسفورد ۋنيۆەرسيتەتٸ دايىنداعانىن مەلٸم ەتتٸ.
AstraZeneca پاندەمييا كەزٸندە ەكپەنٸ ٷستٸنەن پايدا كٶرمەي جەتكٸزەتٸنٸن اتاپ ٶتتٸ.
ەكپەنٸڭ العاشقى پارتيياسى وسى جىلدىڭ سوڭىنا دەيٸن كەلۋٸ تيٸس. بۇل تۋرالى سەنبٸ كٷنٸ يتالييانىڭ دەنساۋلىق ساقتاۋ مينيسترٸ روبەرتو سپەرانتسا Facebook پاراقشاسىندا جازدى.
كومپانييا 2 ميلليارد ەكپە دوزاسىن ٶندٸرۋ بويىنشا ٶز مٸندەتٸن ورىنداۋ ٷشٸن ەلەمنٸڭ بارلىق ەلٸمەن كەلٸسٸمشارتقا وتىرۋعا كەلٸستٸ. بەلگٸلٸ بولعانداي, ەكٸ كەسٸپورىندى بيلل گەيتس قولداعان, سونداي-اق اقش ٷكٸمەتٸمەن 1,2 ميلليارد دوللارعا كەلٸسٸم جاسالعان.
قازٸرگٸ ۋاقىتتا Covid-19-عا قارسى بەكٸتٸلگەن ەكپە نەمەسە دەرٸ جوق, بٸراق ەلەمدە بٸرقاتار سىناما جٷرگٸزٸلٸپ جاتىر.
سەۋٸردە ۇلىبريتانييادا وكسفورد ۋنيۆەرسيتەتٸنٸڭ ەكپەسٸن ەرٸكتٸ ادامدارعا سىناقتان ٶتكٸزۋ باستالدى.
سىناققا 18-55 جاس ارالىعىنداعى 1000 ادام قاتىستى. ٶتكەن ايدا سىناۋعا 10 000 ەرٸكتٸ تارتىلىپ, جاڭا كەزەڭٸ باستالدى.
