Italiia, Germaniia, Frantsiia jáne Niderlandy britaniialyq dári shyǵaratyn AstraZeneca Plc kompaniiasymen koronavirýsqa qarsy 400 mln doza ekpeni jetkizý jóninde kelisimshartqa otyrdy. Alǵashqy jetkizilim 2020 jyldyń sońyna deiin jasalady, dep habarlaidy The Independent basylymy.
Farmatsevtikalyq kompaniia qazirgi ýaqytta synaqtan ótkizilip jatqan ekpeni Oksford ýniversiteti daiyndaǵanyn málim etti.
AstraZeneca pandemiia kezinde ekpeni ústinen paida kórmei jetkizetinin atap ótti.
Ekpeniń alǵashqy partiiasy osy jyldyń sońyna deiin kelýi tiis. Bul týraly senbi kúni Italiianyń densaýlyq saqtaý ministri Roberto Sperantsa Facebook paraqshasynda jazdy.
Kompaniia 2 milliard ekpe dozasyn óndirý boiynsha óz mindetin oryndaý úshin álemniń barlyq elimen kelisimshartqa otyrýǵa kelisti. Belgili bolǵandai, eki kásiporyndy Bill Geits qoldaǵan, sondai-aq AQSh úkimetimen 1,2 milliard dollarǵa kelisim jasalǵan.
Qazirgi ýaqytta Covid-19-ǵa qarsy bekitilgen ekpe nemese dári joq, biraq álemde birqatar synama júrgizilip jatyr.
Sáýirde Ulybritaniiada Oksford ýniversitetiniń ekpesin erikti adamdarǵa synaqtan ótkizý bastaldy.
Synaqqa 18-55 jas aralyǵyndaǵy 1000 adam qatysty. Ótken aida synaýǵa 10 000 erikti tartylyp, jańa kezeńi bastaldy.
