كوروناۆيرۋسقا قارسى ۆاكتسينا العان ادامداردىڭ ٸشٸندە ٸلەسپە اۋرۋلاردىڭ سالدارىنان كٶز جۇمعانداردىڭ سانى قانشا? بۇل تۋرالى قر دەنساۋلىق ساقتاۋ مينيسترلٸگٸ مەديتسينالىق كٶمەكتٸ ۇيىمداستىرۋ دەپارتامەنتٸنٸڭ ديرەكتورى ازامات دٷيسەنوۆ ايتتى, دەپ حابارلايدى قازاقپارات.
«كوروناۆيرۋس ٸلەسپە پاتولوگييا بولعان باسقا اۋرۋلاردان بولاتىن ٶلٸم-جٸتٸم بويىنشا ايتساق, وسى جىلدىڭ 8 ايىندا بارلىعى 2185 ادام قايتىس بولدى. قاڭتاردا – 273, اقپاندا – 221, ناۋرىزدا – 187, سەۋٸردە – 154, مامىردا - 189, ماۋسىمدا - 405, شٸلدەدە - 266, تامىزدا 490 جاعداي تٸركەلدٸ», - دەپ تٷسٸندٸردٸ ازامات دٷيسەنوۆ.
ونىڭ ايتۋىنشا, اقپان-تامىز ايلارىندا ۆاكتسينانىڭ ەكٸ كومپونەنتٸن دە العاننان كەيٸن كوروناۆيرۋستان قايتىس بولعاندار سانى – 482 ادام, نەمەسە 5% بولدى.
«ٶڭٸرلەر بٶلٸنٸسٸندە ۆيرۋستان قايتىس بولعانداردىڭ ٷلەس سالماعى تٷركٸستان وبلىسىندا, شىمكەنتتە, شىعىس قازاقستان جەنە قوستاناي وبلىستارىندا كٶبٸرەك بايقالادى. ۆاكتسينالار بويىنشا جٷكتەسەك, ەڭ ٷلكەن ٷلەس «گام-كوۆيد-ۆاك»-قا (سپۋ́تنيك V- رەد.) تيەسٸلٸ – 75,3%. سودان كەيٸن – Hayat-Vax-تە - 15,5%» - دەدٸ مەديتسينالىق كٶمەكتٸ ۇيىمداستىرۋ دەپارتامەنتٸنٸڭ ديرەكتورى.
