Koronavirýsqa qarsy vaktsina alǵan adamdardyń ishinde ilespe aýrýlardyń saldarynan kóz jumǵandardyń sany qansha? Bul týraly QR Densaýlyq saqtaý ministrligi Meditsinalyq kómekti uiymdastyrý departamentiniń direktory Azamat Dúisenov aitty, dep habarlaidy QazAqparat.
«Koronavirýs ilespe patologiia bolǵan basqa aýrýlardan bolatyn ólim-jitim boiynsha aitsaq, osy jyldyń 8 aiynda barlyǵy 2185 adam qaitys boldy. Qańtarda – 273, aqpanda – 221, naýryzda – 187, sáýirde – 154, mamyrda - 189, maýsymda - 405, shildede - 266, tamyzda 490 jaǵdai tirkeldi», - dep túsindirdi Azamat Dúisenov.
Onyń aitýynsha, aqpan-tamyz ailarynda vaktsinanyń eki komponentin de alǵannan keiin koronavirýstan qaitys bolǵandar sany – 482 adam, nemese 5% boldy.
«Óńirler bólinisinde virýstan qaitys bolǵandardyń úles salmaǵy Túrkistan oblysynda, Shymkentte, Shyǵys Qazaqstan jáne Qostanai oblystarynda kóbirek baiqalady. Vaktsinalar boiynsha júktesek, eń úlken úles «Gam-KOVID-Vak»-qa (Spý́tnik V- red.) tiesili – 75,3%. Sodan keiin – Hayat-Vax-te - 15,5%» - dedi Meditsinalyq kómekti uiymdastyrý departamentiniń direktory.
