قازاقستان مەديتسينا ۋنيۆەرسيتەتٸنٸڭ ەپيدەميولوگييا, بيوستاتيستيكا جەنە دەلەلدٸ مەديتسينا كافەدراسىنىڭ دوتسەنتٸ رافايل قىپشاقباەۆ كوروناۆيرۋس ۆاكتسيناسى ادامنىڭ گەنەتيكالىق كودىنا قالاي ەسەر ەتەتٸنٸن ايتتى, دەپ حابارلايدى قازاقپارات.
«گەنەتيكالىق مۋتاتسييالار تۋرالى ايتساق, ادامنىڭ دنق-سى ٶتە قورعالعان قۇرىلىم دەۋگە بولادى. ول ەركٸم بٸر ەكپەنٸڭ كٶمەگٸمەن ٶزگەرتە سالاتىن وسال دٷنيە ەمەس. ونداي بولسا, ادام بالاسى ميلليونداعان جىل بويى ٶمٸر سٷرٸپ, بٷگٸنگە جەتپەس ەدٸ. بۇل بٸزدٸڭ گەنەتيكالىق كودىمىز سەنٸمدٸ قورعالعان جٷيە ەكەنٸن كٶرسەتەدٸ. مۇنى بٸر دەڭٸز. ەكٸنشٸدەن, ۆاكتسينا ادامنىڭ گەنەتيكالىق كودىن ٶزگەرتەدٸ دەپ داۋرىعىپ جٷرگەندەر 6-سىنىپتا بيولوگييا ساباعىن قاشىپ-پىسىپ وقىعان شىعار. دنق-عا ۆاكتسينا ارقىلى ەنٸپ, گەنەتيكالىق كودتى ٶزگەرتۋ مٷمكٸن ەمەس. سٶزٸمە سەنبەگەندەر 6-سىنىپتىڭ بيولوگييا وقۋلىعىن اشىپ وقىسىن. ٷشٸنشٸدەن, شىنىن ايتۋ كەرەك, تەورييالىق تۇرعىدا كەز كەلگەن دەرٸلٸك زاتتىڭ ەسەرٸنەن اسقىنۋلار پايدا بولۋى مٷمكٸن», - دەگەن رافايل قىپشاقباەۆ ۆاكتسيناتسييادان كەيٸنگٸ اسقىنۋ ىقتيمالدىعى بار ەكەنٸن, بٸراق پايداسىمەن سالىستىرعاندا شامالى ەكەنٸن ايتتى.
سونداي-اق, عالىم كوروناۆيرۋس ينفەكتسيياسىمەن اۋىرىپ شىققاندارعا «يممۋنيتەتٸم بار» دەپ ارقانى كەڭگە سالۋعا بولمايتىنىن ەسكەرتتٸ.
«ٶيتكەنٸ قايتا جۇقتىرۋ جاعدايلارىن ەشكٸم جوققا شىعارا المايدى. كوروناۆيرۋسپەن اۋىرىپ تۇرۋ قارسى يممۋنيتەت قالىپتاستىرۋ دەگەن سٶز ەمەس. يممۋنيتەتتٸڭ قانشالىقتى قالىپتاسۋى سىرقاتتىڭ اۋىرتپالىعىنا, ادام اعزاسىنىڭ جەكە ەرەكشەلٸكتەرٸنە بايلانىستى. كوروناۆيرۋسپەن اۋىرىپ يممۋنيتەت قالىپتاستىرۋ جەنە ۆاكتسينا ارقىلى يممۋنيتەت قالىپتاستىرۋدىڭ ايىرماشىلىعىن بىلاي تٷسٸندٸرۋگە بولادى. ۆاكتسيناتسييا ادام اعزاسىن ىقتيمال ينفەكتسييانى بارىنشا وڭاي ٶتكەرۋگە دايىندايتىن جاتتىعۋ سيياقتى. كوروناۆيرۋسپەن اۋىرۋ ۆاكتسيناتسيياعا قارسى مەديتسينالىق كٶرسەتٸلٸم بولماۋى كەرەك», - دەدٸ رافايل قىپشاقباەۆ.
