قر دەنساۋلىق ساقتاۋ بٸرٸنشٸ ۆيتسە-مينيسترٸ مارات شورانوۆ كوروناۆيرۋس ينفەكتسيياسىنا قارسى سپۋتنيك V ۆاكتسيناسىنىڭ قانداي جاعدايدا ەم بولمايتىندىعىن ايتىپ بەردٸ, دەپ حابارلايدى "ۇلت اقپارات".
«ەڭ الدىمەن انامنەزدەگٸ اۋىر اللەرگييالىق رەاكتسييالار, جٷكتٸلٸك جەنە بالا ەمٸزۋ كەزەڭدەرٸ, 18 جاسقا دەيٸنگٸ بالالار جەنە 65 جاستان اسقان قارتتار. قازٸرگٸ ۋاقىتتا اتالعان ساناتتاعى ادامداردى ۆاكتسينالاۋ تۋرالى دەرەكتەردٸڭ از بولۋعاندىقتان, بٸز ٶندٸرۋشٸلەر ۇسىناتىن ماتەريالداردى ٷنەمٸ زەرتتەپ وتىرامىز جەنە وسى ساناتتارعا ۆاكتسينالاردى قاۋٸپسٸز جٷرگٸزۋ تۋرالى جاڭا اقپارات تٷسكەن سايىن كٶرسەتكٸشتەر كەڭەيتٸلٸپ وتىرادى», - دەدٸ مارات شورانوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ۆيتسە-مينيستر پرەپاراتتى باۋىر مەن بٷيرەكتٸڭ سوزىلمالى اۋرۋى بارلارعا, قانت ديابەتٸ سىندى ەندوكريندٸك جٷيەنٸڭ ايقىن بۇزىلىسى بايقالعاندارعا ساقتىقپەن قولدانۋ قاجەتتٸگٸن ەسكەرتتٸ.
«قان تٷزٸلۋ جٷيەسٸنٸڭ اۋىر سىرقاتتارىندا, ەپيلەپسييا, ينسۋلت جەنە ورتالىق جٷيكە جٷيەسٸنٸڭ باسقا اۋرۋلارىندا, جٷرەك-قانتامىر جٷيەسٸ دەرتتەرٸندە, باستاپقى جەنە قايتالاما يممۋن تاپشىلىعى مەن اۋتويممۋندى, سونداي-اق, دەمٸكپە جەنە سوزىلمالى وبسترۋكتيۆتٸ ٶكپە اۋرۋلارىندا ساقتىق تانىتۋ قاجەت. ديابەتپەن جەنە مەتابوليكالىق سيندروم, اتوپييا مەن ەكزەما اللەرگييالىق رەاكتسييالارى, سونداي-اق قاتەرلٸ ٸسٸك, قاتەرلٸ قان اۋرۋلارى بار ناۋقاستارعا ۆاكتسينا سالاردا اعزا جاعدايىن جەكەلەي قاراستىرۋ كەرەك. ياعني, بۇل جاعدايلار ابسوليۋتتٸ قارسى كٶرسەتٸلٸمدەرگە جاتپايدى جەنە ۆاكتسينالاۋ كەزٸندە ەر ناۋقاستىڭ جالپى جاعدايىنا قاراي بايلانىستى دەربەس تاعايىندالۋى تيٸس», - دەپ تٷسٸندٸردٸ م. شورانوۆ.
