نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا كوروناۆيرۋس ينفەكتسيياسى تابىلعان قازاقستاندىق ناۋقاستىڭ جاي كٷيٸ تۋرالى ايتىپ بەردٸ, دەپ حابارلايدى قازاقپارات.
بۇعان دەيٸن قر دەنساۋلىق ساقتاۋ مينيسترٸ ەلجان بٸرتانوۆ كوروناۆيرۋس جۇقتىرعان ٷشٸنشٸ ادامنىڭ ەلوردادا انىقتالعانىن حابارلاعان ەدٸ.
«قازاقستاندىق ەيەل 12 ناۋرىز كٷنٸ ميلان-مەسكەۋ-نۇر-سۇلتان رەيسٸنەن تٷسٸرٸلدٸ. سەبەبٸ يتالييا كوروناۆيرۋستىق ينفەكتسييا قاۋپٸ بويىنشا بٸرٸنشٸ ساناتقا ەنگٸزٸلگەن. وسىعان بايلانىستى كەشە تاڭعى 8:25-تە قر ازاماتى رەيستەن تٷسٸرٸلٸپ, بٸزدٸڭ ستاتسيونارعا جەتكٸزٸلدٸ. قازٸر ول نۇر-سۇلتان قالاسىنداعى كٶپبەيٸندٸ مەديتسينالىق ورتالىقتىڭ كارانتيندٸك ستاتسيونارىندا جاتىر», - دەدٸ س. قيسىقوۆا ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
كوروناۆيرۋستىق ينفەكتسييانى دياگنوستيكالاۋ مەن ەمدەۋ حاتتاماسىنا سەيكەس, ەيەلدەن بيوماتەريال الىنىپ, ۇلتتىق ساراپتاما ورتالىعىنىڭ ۆيرۋسولوگييالىق زەرتحاناسىنا جٸبەرٸلگەن.
«بٷگٸن زەرتحانا نەتيجەسٸن الدىق جەنە قازاقستاندىق ەيەلدەن كوروناۆيرۋستىق ينفەكتسييا تابىلدى. قازٸرگٸ ۋاقىتتا ناۋقاس دەنساۋلىعىنا ەش شاعىم تٷسپەدٸ, بٸراق ينفەكتسييا تابىلعاندىقتان, ەمدەۋ شارالارى باستالدى. ول جەلدەتكٸشٸ بار بٸر ادامدىق پالاتادا جاتىر», - دەدٸ باسقارما باسشىسى.
سونداي-اق, قازاقستاندىق ەيەلمەن بٸر ۇشاقتا 90 جولاۋشى بولعان. نۇر-سۇلتان قالاسىنىڭ دەنساۋلىق ساقتاۋ باسقارماسى ولارعا حابارلاسىپ جاتىر.
