سوڭعى اپتانىڭ ٸشٸندە مەسكەۋ قالاسىندا اۋىر حالدە بولعان 10 مىڭعا جۋىق پاتسيەنت اۋرۋحاناعا جاتقىزىلدى, دەپ حابارلايدى قازاقپارات.
«ٶكٸنٸشكە قاراي, مەسكەۋدەگٸ جاعداي كٷردەلٸ بولىپ قالىپ وتىر. سوڭعى اپتانىڭ ٸشٸندە اۋىر حالدە بولعان 10 مىڭعا جۋىق ادام اۋرۋحاناعا جاتقىزىلدى. اۋرۋعا شالدىعۋ قارقىنى بٸرشاما بەسەڭدەگەنٸمەن, جاعداي ەلٸ دە كٷردەلٸ», - دەپ اتاپ ٶتتٸ سوبيانين «مىۆمەستە» قالالىق ەرٸكتٸلەر اكتسيياسىنىڭ شتابىنا بارۋ بارىسىندا.
رەسەيدە جۇمىس ٸستەمەيتٸن كٷندەر رەجيمٸنٸڭ ەنگٸزٸلۋٸنە بايلانىستى تۇرعىنداردىڭ قوزعالىسى شەكتەۋلٸ توبى مەن ەگدە جاستاعى قالا تۇرعىندارىنا كٶمەك كٶرسەتۋدٸڭ جالپىرەسەيلٸك اكتسيياسى باستالدى.
«ٷش ميلليونعا جۋىق ەگدە جاستاعى ازاماتىمىز وقشاۋلاۋدا وتىر. ولارعا ەرٸ ەلەۋمەتتٸك, ەرٸ پسيحولوگييالىق كٶمەك قاجەت ەكەنٸ بەلگٸلٸ. مەملەكەتتٸك قىزمەت ورىندارىنان بٶلەك, بۇل باعىتتا قوعامدىق ۇيىمدار مەن بۇل جاعدايعا نەمقۇرايلى قارامايتىن بارلىق ادامدار دا جۇمىس ٸستەگەنٸ ٶتە ماڭىزدى», - دەدٸ مەسكەۋ مەرٸ.
كوروناۆيرۋسپەن كٷرەس جٷرگٸزۋ بويىنشا جەدەل شتاب مەلٸمەتٸنشە, سوڭعى تەۋلٸكتە رەسەيدە كوروناۆيرۋسقا شالدىعۋدىڭ 40 402 وقيعاسى تٸركەلدٸ. قاۋٸپتٸ ۆيرۋستان 1 155 ادام قايتىس بولىپ, 23 187 پاتسيەنت جازىلىپ شىققان.
