Sońǵy aptanyń ishinde Máskeý qalasynda aýyr halde bolǵan 10 myńǵa jýyq patsient aýrýhanaǵa jatqyzyldy, dep habarlaidy QazAqparat.
«Ókinishke qarai, Máskeýdegi jaǵdai kúrdeli bolyp qalyp otyr. Sońǵy aptanyń ishinde aýyr halde bolǵan 10 myńǵa jýyq adam aýrýhanaǵa jatqyzyldy. Aýrýǵa shaldyǵý qarqyny birshama báseńdegenimen, jaǵdai áli de kúrdeli», - dep atap ótti Sobianin «MyVmeste» qalalyq eriktiler aktsiiasynyń shtabyna barý barysynda.
Reseide jumys istemeitin kúnder rejiminiń engizilýine bailanysty turǵyndardyń qozǵalysy shekteýli toby men egde jastaǵy qala turǵyndaryna kómek kórsetýdiń jalpyreseilik aktsiiasy bastaldy.
«Úsh millionǵa jýyq egde jastaǵy azamatymyz oqshaýlaýda otyr. Olarǵa ári áleýmettik, ári psihologiialyq kómek qajet ekeni belgili. Memlekettik qyzmet oryndarynan bólek, bul baǵytta qoǵamdyq uiymdar men bul jaǵdaiǵa nemquraily qaramaityn barlyq adamdar da jumys istegeni óte mańyzdy», - dedi Máskeý meri.
Koronavirýspen kúres júrgizý boiynsha jedel shtab málimetinshe, sońǵy táýlikte Reseide koronavirýsqa shaldyǵýdyń 40 402 oqiǵasy tirkeldi. Qaýipti virýstan 1 155 adam qaitys bolyp, 23 187 patsient jazylyp shyqqan.
