كٶلٸكتەگٸ مەملەكەتتٸك باس سانيتارلىق دەرٸگەر سەدۋاقاس بايعابىلوۆ 2 ساناتتاعى ەلدەردەن قازاقستانعا حالىقارالىق ەۋە رەيستەرٸمەن كەلەتٸن قازاقستاندىقتار مەن شەتەلدٸكتەر ٷشٸن قازاننىڭ بٸرٸنشٸ ونكٷندٸگٸندە COVID-19 بويىنشا جاڭا تالاپتاردى ەنگٸزۋگە قاتىستى تٷسٸنٸك بەردٸ, دەپ حابارلايدى "ۇلت اقپارات".
«قازٸرگٸ كەزدە كٶلٸكتەگٸ سانيتارلىق-ەپيدەميولوگييالىق قىزمەت ماماندارى ەۋە كومپانييالارى مەن ەۋەجايلاردىڭ ٶكٸلدەرٸمەن بٸرلەسە ەكٸنشٸ ساناتتاعى (21 مەملەكەت) ەلدەردەن قازان ايىنان باستاپ ەۋە رەيستەرٸمەن قازاقستانعا كەلەتٸن ادامدار ٷشٸن قوسىمشا تالاپتاردى ەنگٸزۋ جاعدايىنداعى جۇمىستى ۇيىمداستىرۋ مەسەلەسٸن پىسىقتاپ جاتىر», - دەدٸ سەدۋاقاس بايعابىلوۆ.
ەۋە كومپانييالارى قازاقستانعا بيلەت ساتىپ الاتىن جولاۋشىلاردى COVID-19-عا قاتىستى قوسىمشا تالاپتار تۋرالى حاباردار ەتەدٸ.
وسى ورايدا شەتەل ازاماتتارىندا مەملەكەتتٸك شەكارادان ٶتۋ كەزٸندە ٷش كٷننەن اسپايتىن مەرزٸمدەگٸ COVID-19-عا تەرٸس نەتيجە تۋرالى انىقتاما بولۋى كەرەك. بۇل تالاپ ەسكەرٸلمەسە, ولار ساپارلايتىن ەۋەجايدان ۇشاق بورتىنا قابىلدانبايدى.
ال قازاقستان ازاماتتارىندا انىقتاما بولماسا, وندا ولار كەلگەن بويدا بورتتان پتر اناليز تاپسىرۋ ٷشٸن ەكٸ كٷندٸك كارانتينگە ستاتسيونارعا ورنالاستىرىلادى.
ٶڭٸرلەردە وسى ماقساتتارعا ارنالعان تيٸستٸ ستاتسيونارلار دايىندالدى.
اتالعان جاڭاشىلدىقتاردى ەنگٸزۋ داتاسى جايىندا قاسىمشا اقپارات تاراتىلاتىن بولادى.
