جوعارى ساناتتى ينفەكتسيونيست دەرٸگەر, مەديتسينا عىلىمدارىنىڭ كانديداتى سەۋلە اتىعاەۆا رەۆاكتسيناتسييا جٷرگٸزۋ ٷشٸن قانداي العىشارتتار بولۋ كەرەكتٸگٸن ايتتى, دەپ حابارلايدى قازاقپارات.
«ول ٷشٸن حالىقتىڭ يممۋندىق دەڭگەيٸ, ينفەكتسييادان كەيٸنگٸ جەنە ۆاكتسيناتسييادان كەيٸنگٸ يممۋنيتەتتەگٸ قايشىلىقتار زەرتتەلەدٸ. اۋىرعان ادامدار مەن ۆاكتسينا العان ادامداردا انتيدەنەلەردٸڭ دەڭگەيٸ قانشالىقتى جوعارى ەرٸ ۇزاق ساقتالاتىنى قاداعالانادى. يممۋنولوگ, ۆيرۋسولوگ, ينفەكتسيونيست ماماندار وسىنىڭ بەرٸن تالدايدى. سول تالقىلاۋلاردىڭ قورىتىندىسى بويىنشا دەنساۋلىق ساقتاۋ مينيسترلٸگٸنە حالىقتى قايتا ۆاكتسينالاۋ قاجەتتٸلٸگٸ نەمەسە قاجەت ەمەستٸگٸ تۋرالى ۇسىنىمدار بەرەدٸ», - دەدٸ ينفەكتسيونيست.
ماماننىڭ ايتۋىنشا, قازٸر بۇل مەسەلە وتاندىق عالىمدار اراسىندا تالقىلانىپ جاتىر.
«قانداي دا بٸر قورىتىندى بەرمەس بۇرىن, مەسەلەنٸ زەرتتەۋ كەرەك. رەۆاكتسيناتسييا مەسەلەسٸ ينفەكتسييامەن اۋىرعان نەمەسە ۆاكتسينالانعان ادام اعزاسىنداعى انتيدەنەلەردٸڭ قانشالىقتى ۇزاق ساقتالاتىنىن بٸلگەننەن كەيٸن شەشٸلەدٸ. ناقتى قورىتىندى العان كەزدە عانا رەۆاكتسيناتسييا تۋرالى سۇراققا جاۋاپ بولادى», - دەدٸ سەۋلە اتىعاەۆا.
