ەۋروپا ەلدەرٸندە كوروناۆيرۋستان بولعان ٶلٸم-جٸتٸم ازايىپ جاتىر. سوندىقتان كەي ەلدەر كارانتين شارالارىن جۇمسارتا باستايدى, دەپ حابارلايدى ۆۆس اگەنتتٸگٸ.
يتالييا پرەمەر-مينيسترٸ دجۋزەپپە كونتي 4 مامىردان باستاپ ەلدە كەيبٸر شەكتەۋلەر ٸشٸنارا الىنىپ تاستالاتىنىن مەلٸمدەدٸ. ونىڭ ايتۋىنشا, تاماقتاناتىن ورىندار مەن مەيرامحانالار تاماق ساتا الادى, قازٸر ولارعا تەك ٷيگە تاپسىرىس بەرۋگە رۇقسات ەتٸلگەن.
يتالييالىقتار بۇرىنعىسىنشا ەلدٸڭ اۋماعىندا ساياحاتتاي المايدى, بٸراق ولارعا قالادان قالاعا بٸر پروۆينتسييا شەگٸندە بارۋىنا رۇقسات ەتٸلەدٸ. تۋعان-تۋىستارىنا شاعىن توپپەن تەك ماسكا كيٸپ بارۋى كەرەك. سونداي-اق ساياباقتار دا اشىلادى, بٸراق وندا كٶپ ادامنىڭ جينالۋىنا تىيىم سالىنادى.
اقش-تا بارلىق شتات جۇما كٷنٸ ەلدە اۋىرعاندار سانى كٷن ساناپ ارتقانىنا قاراماستان, كارانتين شارالارىن جۇمسارتا باستادى. امەريكا قۇراما شتاتتارىندا Covid-19 جۇقتىرۋ مەن ودان قايتىس بولۋ جاعدايلارى ەلەمنٸڭ باسقا ەلدەرٸنە قاراعاندا كٶبٸرەك: سوڭعى مەلٸمەت بويىنشا 957 مىڭ ادام كوروناۆيرۋس جۇقتىرسا, 54,4 مىڭ ادام قايتىس بولعان.
وسى اپتادا دجوردجييا, وكلاحوما, الياسكا جەنە وڭتٷستٸك كارولينا كارانتيندٸ ٸشٸنارا جەڭٸلدەتۋگە كٶشتٸ. ولار كەلەسٸ اپتادا شەكتەۋلەردٸ ودان ەرٸ الىپ تاستاۋعا شاقىردى.
اقش-تاعى كوروناۆيرۋس ٸندەتٸنە قارسى كٷرەس جٶنٸندەگٸ اق ٷيدٸڭ ٷيلەستٸرۋشٸسٸ, دوكتور دەبورا بيركس جۋرناليستەرگە كارانتين شارالارىنىڭ بٸر بٶلٸگٸ ەلدە جاقىن ارادا بٸرنەشە ايعا دەيٸن ساقتالاتىنىن راستادى.
