17 قىركٷيەكتە قازاقستاندا 2901 ادامنىڭ اناليزٸنەن كوروناۆيرۋس انىقتالدى. بۇل الدىڭعى كٷنمەن سالىستىرعاندا 180-گە از.
الماتىدا 568 ادامنان كوروناۆيرۋس انىقتالعان. قازاقستانداعى ەڭ ٸرٸ قالا كوروناۆيرۋستىڭ كٷندٸك كٶرسەتكٸشٸ بويىنشا, جالپى ناۋقاستار سانى جٶنٸنەن دە رەسپۋبليكادا بٸرٸنشٸ ورىندا تۇر. قاراعاندى وبلىسىندا 388 ناۋقاس انىقتالدى. ٸندەت باستالعالى بارلىعى 857 مىڭ ادام كوروناۆيرۋسقا شالدىققان. باسىم بٶلٸگٸ جازىلعان. 10 670 ادام قايتىس بولعان.
16 قىركٷيەك, بەيسەنبٸ كٷنٸ 59 ادام – كوروناۆيرۋستان, 15 ادام "كوۆيدتەكتەس پنەۆمونييادان" قايتىس بولدى. كوروناۆيرۋس ستاتيستيكاسىنا "Covid جۇقسا دا, ٶلٸمٸنٸڭ نەگٸزگٸ سەبەبٸ باسقا اۋرۋ" دەپ تۇجىرىمدالعان 2,6 مىڭ ادامنىڭ ٶلٸمٸ ەنگٸزٸلمەگەن.
قازاقستان 2020 جىلدىڭ 1 تامىزىنان باستاپ پتر تەستٸ تەرٸس شىققان, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن "كوۆيدتەكتەس پنەۆمونييا" ەسەبٸن جٷرگٸزٸپ كەلەدٸ. وسى كٷنگە دەيٸن پنەۆمونييانىڭ بۇل تٷرٸنە 74 مىڭ ادام شالدىققان. 4729-ى قايتىس بولعان. 16 قىركٷيەكتە 216 ادامعا كوروناۆيرۋس پنەۆمونيياسى دياگنوزى قويىلدى.
قازٸر ەلدە 70 984 ادام كوروناۆيرۋس ينفەكتسيياسىنان (67 432 كۆي+ جەنە 8 552 كۆي-) ەمدەلٸپ جاتىر. ونىڭ ٸشٸندە 13 087 پاتسيەنت - ستاتسيوناردا, 57 897 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققاندار اراسىندا:
- 1 041 ادامنىڭ جاعدايى اۋىر
- 276 پاتسيەنتتٸڭ جاعدايى ٶتە اۋىر
- 189 ناۋقاس ٶجج اپپاراتىندا جاتىر.
سوڭعى مەلٸمەت بويىنشا, 6,1 ملن ادام كوروناۆيرۋسقا قارسى ۆاكتسينانىڭ تولىق دوزاسىز العان. 1,1 ملن ادام ەزٸرگە بٸرٸنشٸ عانا دوزاسىن العان.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸ بويىنشا, ەلەمدە 227 ملن ادام كوروناۆيرۋسقا شالدىققان, 4,6 ميلليونى قايتىس بولعان.
