17 qyrkúiekte Qazaqstanda 2901 adamnyń analizinen koronavirýs anyqtaldy. Bul aldyńǵy kúnmen salystyrǵanda 180-ge az.
Almatyda 568 adamnan koronavirýs anyqtalǵan. Qazaqstandaǵy eń iri qala koronavirýstyń kúndik kórsetkishi boiynsha, jalpy naýqastar sany jóninen de respýblikada birinshi orynda tur. Qaraǵandy oblysynda 388 naýqas anyqtaldy. Indet bastalǵaly barlyǵy 857 myń adam koronavirýsqa shaldyqqan. Basym bóligi jazylǵan. 10 670 adam qaitys bolǵan.
16 qyrkúiek, beisenbi kúni 59 adam – koronavirýstan, 15 adam "kovidtektes pnevmoniiadan" qaitys boldy. Koronavirýs statistikasyna "Covid juqsa da, óliminiń negizgi sebebi basqa aýrý" dep tujyrymdalǵan 2,6 myń adamnyń ólimi engizilmegen.
Qazaqstan 2020 jyldyń 1 tamyzynan bastap PTR testi teris shyqqan, biraq aýrý belgileri boiynsha koronavirýsqa uqsaityn "kovidtektes pnevmoniia" esebin júrgizip keledi. Osy kúnge deiin pnevmoniianyń bul túrine 74 myń adam shaldyqqan. 4729-y qaitys bolǵan. 16 qyrkúiekte 216 adamǵa koronavirýs pnevmoniiasy diagnozy qoiyldy.
Qazir elde 70 984 adam koronavirýs infektsiiasynan (67 432 KVI+ jáne 8 552 KVI-) emdelip jatyr. Onyń ishinde 13 087 patsient - statsionarda, 57 897 naýqas ambýlatoriialyq deńgeide em qabyldaýda.
KVI+, KVI- shaldyqqandar arasynda:
- 1 041 adamnyń jaǵdaiy aýyr
- 276 patsienttiń jaǵdaiy óte aýyr
- 189 naýqas ÓJJ apparatynda jatyr.
Sońǵy málimet boiynsha, 6,1 mln adam koronavirýsqa qarsy vaktsinanyń tolyq dozasyz alǵan. 1,1 mln adam ázirge birinshi ǵana dozasyn alǵan.
Amerikalyq Djons Hopkins ýniversitetiniń málimeti boiynsha, álemde 227 mln adam koronavirýsqa shaldyqqan, 4,6 milliony qaitys bolǵan.
