يسپانييادا التى جاستان اسقان وقۋشىلار ساباققا ماسكا تاعىپ بارادى. بۇل شارا بەيسەنبٸ كٷنٸ مادريد جەنە ٶڭٸرلٸك بيلٸك اراسىندا كەلٸسٸلٸپ, ەلدٸڭ بارلىق اۆتونومدىق قوعامداستىقتارىندا ەنگٸزٸلٸپ وتىر. سوڭعى تەۋلٸك ٸشٸندە يسپانييادا اۋرۋ جۇقتىرۋدىڭ 7300-گە جۋىق جاڭا وقيعاسى انىقتالدى, دەپ حابارلايدى "ۇلت اقپارات" Euronews اگەنتتٸگٸنە سٸلتەمە جاساپ.
فرانتسييادا وقۋ جىلى ۋاقتىلى باستالادى, بٸراق جوعارى سىنىپ وقۋشىلارى ماسكا تاعۋعا مٸندەتتٸ بولادى. بۇل رەجيم 11 مەن 18 جاس ارالىعىنداعى وقۋشىلارعا قاتىستى. ەلدە كوروناۆيرۋستىڭ تارالۋىنا قاتىستى جاعداي ايتارلىقتاي ناشارلاعان. سوڭعى تەۋلٸكتە مەديتسينالىق قىزمەتتەر اۋرۋ جۇقتىرۋدىڭ 6 مىڭنان استام جاڭا وقيعاسىن انىقتادى. دەپارتامەنتتەردٸڭ بەستەن بٸر بٶلٸگٸ Covid-19 تارالۋىنىڭ «قىزىل ايماعىنا» اۋىستىرىلعان. پاريج بيلٸگٸ قالانىڭ بارلىق جەرلەرٸندە قورعانىس ماسكالارىن تاعۋدى مٸندەتتەۋ شەشٸمٸن قابىلداعان.
گەرمانييانىڭ كٶپتەگەن مەكتەپتەرٸ اشىلدى. بەرليندە 820-دان استام مەكتەپتٸڭ 41-ٸندە اۋرۋ جۇقتىرۋ وقيعالارى انىقتالعان. بٷكٸل ەل بويىنشا مىڭداعان وقۋشى وتباسىلىق مەرەكەلەردٸڭ ينفەكتسييانىڭ تارالۋ وشاعىنا اينالعان سوڭ كارانتينگە جابىلدى. فەدەرالدىق ٷكٸمەت مەن ٶڭٸرلٸك بيلٸك قورعانىس ماسكاسىن تاقپاعان ازاماتتارعا 50 ەۋرو كٶلەمٸندە ايىپپۇل سالۋدى ەنگٸزۋ تۋرالى كەلٸسكەن. سوڭعى تەۋلٸكتە گەرمانييادا 1 507 ادام اۋرۋ جۇقتىردى.
