Ispaniiada alty jastan asqan oqýshylar sabaqqa maska taǵyp barady. Bul shara beisenbi kúni Madrid jáne óńirlik bilik arasynda kelisilip, eldiń barlyq avtonomdyq qoǵamdastyqtarynda engizilip otyr. Sońǵy táýlik ishinde Ispaniiada aýrý juqtyrýdyń 7300-ge jýyq jańa oqiǵasy anyqtaldy, dep habarlaidy "Ult aqparat" Euronews agenttigine silteme jasap.
Frantsiiada oqý jyly ýaqtyly bastalady, biraq joǵary synyp oqýshylary maska taǵýǵa mindetti bolady. Bul rejim 11 men 18 jas aralyǵyndaǵy oqýshylarǵa qatysty. Elde koronavirýstyń taralýyna qatysty jaǵdai aitarlyqtai nasharlaǵan. Sońǵy táýlikte meditsinalyq qyzmetter aýrý juqtyrýdyń 6 myńnan astam jańa oqiǵasyn anyqtady. Departamentterdiń besten bir bóligi Covid-19 taralýynyń «qyzyl aimaǵyna» aýystyrylǵan. Parij biligi qalanyń barlyq jerlerinde qorǵanys maskalaryn taǵýdy mindetteý sheshimin qabyldaǵan.
Germaniianyń kóptegen mektepteri ashyldy. Berlinde 820-dan astam mekteptiń 41-inde aýrý juqtyrý oqiǵalary anyqtalǵan. Búkil el boiynsha myńdaǵan oqýshy otbasylyq merekelerdiń infektsiianyń taralý oshaǵyna ainalǵan soń karantinge jabyldy. Federaldyq úkimet men óńirlik bilik qorǵanys maskasyn taqpaǵan azamattarǵa 50 eýro kóleminde aiyppul salýdy engizý týraly kelisken. Sońǵy táýlikte Germaniiada 1 507 adam aýrý juqtyrdy.
